قوسىمشا پويىزدار قاي وڭىرلەرگە قاتىنايدى؟
«جولاۋشىلار تاسىمالى» اق ناۋرىز مەرەكەسىندە جولاۋشىلار اعىنىنىڭ كوبەيۋىنە بايلانىستى قوسىمشا كوممەرسيالىق پويىزداردى ىسكە قوسادى، دەپ حابارلايدى Almaty-akshamy.kz «قازاقستان تەمىر جولى» اق باسپا ءسوز قىزمەتىنە سىلتەمە جاساپ.
اتاپ ايتقاندا، «نۇر-سۇلتان نۇرلى جول-شىمكەنت» باعىتىنداعى №202/201 پويىزى ەلوردادان 2022 جىلدىڭ 18، 21 جانە 24 ناۋرىزىندا جونەلتىلەدى. شىمكەنتتەن 2022 جىلدىڭ 19، 21 جانە 25 ناۋرىزىندا كەرى قايتاتىن بولادى؛
- «نۇر-سۇلتان نۇرلى جول-الماتى-1» باعىتىنداعى №204/203 پويىزى ەلوردادان 2022 جىلدىڭ 18 جانە 21 ناۋرىزىندا جولعا شىعادى. سول پويىز 2022 جىلدىڭ 19 جانە 22 ناۋرىزىندا كەرى قايتادى؛ - «اقتوبە-اتىراۋ» باعىتىنداعى №206/205 پويىزى اقتوبەدەن 2022 جىلدىڭ 18 جانە 20 ناۋرىزىندا، ال اتىراۋدان 2022 جىلدىڭ 19 جانە 21 ناۋرىزىندا جولعا شىعادى؛
- «الماتى-2-شىمكەنت» باعىتىنداعى №207/208 پويىزى الماتىدان 2022 جىلدىڭ 18 جانە 20 ناۋرىزىندا جونەلتىلەدى. بۇل پويىز 2022 جىلدىڭ 19 جانە 21 ناۋرىزىندا كەرى قايتادى.
بۇدان باسقا، قازاقستان مەن رەسەي اراسىنداعى شەكارا اشىلعانعا دەيىن ءتورت حالىقارالىق پويىزدىڭ مارشرۋتتارى ۋاقىتشا قىسقارتىلدى. ولار وبلىسىشىلىك قاتىناستا جۇرەتىن بولادى:
- «الماتى-2-ساراتوۆ» باعىتىنداعى №7/8 پويىزى ورال ستانسياسىنا دەيىن قىسقارتىلدى. ول الماتىدان 2022 جىلدىڭ 1 ناۋرىزىنان تاق كۇندەرى، ورالدان الماتىعا 2022 جىلدىڭ 4 ناۋرىزىنان جۇپ كۇندەرى شىعا باستايدى؛
- «قاراعاندى-ومبى» قاتىناسىنداعى №145/146 پويىزى پەتروپاۆل ستانسياسىنا دەيىن قىسقارتىلدى. بۇل قۇرام قاراعاندىدان پەتروپاۆلعا جانە كەرى قاراي 2022 جىلدىڭ 2 ناۋرىزىنان باستاپ جۇپ كۇندەرى جۇرەتىن بولادى؛
- «الماتى-2-نوۆوسيبيرسك» باعىتىنداعى №301/302 پويىزى كۇنارا جۇرۋمەن سەمەي ستانسياسىنا دەيىن قىسقارتىلدى. ول الماتىدان 2022 جىلدىڭ 2 ناۋرىزىنان باستاپ جۇپ كۇندەرى جولعا شىعادى. كەرى باعىتتا ءدال وسى پويىز 2022 جىلدىڭ 3 ناۋرىزىنان باستاپ تاق كۇندەرى جۇرە باستايدى؛
- «اتىراۋ-استراحان» باعىتىنداعى №625/626 پويىزى كۇنارا قاتىناسپەن دينا نۇرپەيىسوۆا ستانسياسىنا دەيىن قىسقارتىلدى. اتىراۋدان كەرى باعىتتا قۇرام 2022 جىلدىڭ 2 ناۋرىزىنان باستاپ جۇپ كۇندەرى جۇرەدى.