بۇل مەجە 2025 جىلعا دەيىن ورىندالادى
الماتى وبلىسىنىڭ اكىمى جەرگىلىكتى جانە رەسپۋبليكالىق ب ا ق وكىلدەرىمەن كەزدەسىپ، ايماقتىڭ دامۋ جوسپارىن تانىستىردى، دەپ حابارلايدى Almaty-akshamy.kz قازاقپاراتقا سىلتەمە جاساپ.
كەزدەسۋ بارىسىندا ءوڭىر باسشىسى جەتىسۋدىڭ 2025 جىلعا دەيىنگى الەۋمەتتىك-ەكونوميكالىق دامۋ باعدارلاماسىنا تەرەڭىرەك توقتالدى. ول ونەركاسىپ، اۋىل شارۋاشىلىعى، ەنەرگەتيكا جانە تۋريزم سالالارىنا قان جۇگىرتۋ كۇن تارتىبىندەگى باستى ماسەلە ەكەنىن جەتكىزدى.
الماتى وبلىسىنىڭ ينۆەستيسيالىق قورجىنىندا 2،8 ترلن تەڭگەنىڭ 289 جوباسى بار. 2025 جىلعا دەيىن 114 مىڭ گەكتار جەر قالپىنا كەلتىرىلەدى. سونداي-اق اۋىل شارۋاشىلىعى ونىمدەرى كولەمىن 4،5 ەسە ارتتىرۋ جوسپارلانعان.
اۋىز سۋ، ءۇش اۋىسىمدى مەكتەپتەر ماسەلەسىنە ەرەكشە ءمان بەرىلمەك. وبلىستا 2025 جىلعا دەيىن 115 مەكتەپ بوي كوتەرمەك. الماتى وبلىسىنىڭ ءاربىر اۋىلىندا جەكە قوسالقى شارۋاشىلىقتاعى ءتورت تۇلىكتى جاياتىن جەر جوق. الداعى ەكى جىلدا يگەرىلمەي جاتقان جەرلەر مەملەكەت مەنشىگىنە قايتارىلىپ، اۋىلدىق وكرۋگتەردىڭ پايدالانۋىنا بەرىلمەك.
«ءار اۋىلدىڭ توڭىرەگىندە جاتقان جەرلەردى تۇگەندەپ، حالىقتىڭ مالىن ساناپ، ءتيىستى جەرىن اۋىلدارعا قايتارا بەرۋ كەرەك. سوت ارقىلى شەشەمىز بە، باسقاشا شەشەمىز بە، ءقازىر زاڭ بىزگە قۇقىق بەرىپ جاتىر. سونى قولعا الىپ، ءبىز جاسايمىز»، - دەدى ايماق باسشىسى.