كەي وڭىرلەردە 20 گرادۋسقا دەيىن جىلى بولادى دەپ كۇتىلىپ وتىر.
قازاقستاندىق سينوپتيكتەر كوكتەمنىڭ العاشقى ايىنا بولجام جاسادى، دەپ حابارلايدى Almaty-akshamy.kz.
«قازگيدرومەت» ماماندارىنىڭ ايتۋىنشا، قازاقستاننىڭ كوپتەگەن ايماعىنا كۇنتىزبەلىك كوكتەم بەلگىلەنگەن مەرزىمدە كەلەدى،
الدىن الا بولجام بويىنشا، ناۋرىز ايى جىلى جانە جاۋىن-شاشىندى بولادى. اۋا تەمپەراتۋراسى رەسپۋبليكانىڭ باسىم بولىگىندە كليماتتىق نورمادان 1-2 پايىزعا جوعارى، اتىراۋ وبلىسىنىڭ باتىسىندا جانە سولتۇستىك-باتىسىندا نورماعا جاقىن بولادى دەپ بولجانىپ وتىر.
ناۋرىزدىڭ كەي كۇندەرىندە ەلىمىزدىڭ سولتۇستىگى مەن شىعىسىندا كۇندىز اۋا تەمپەراتۋراسى 10 گرادۋستان 20 گرادۋسقا دەيىن كوتەرىلەدى دەپ كۇتىلىپ وتىر.
ناۋرىزداعى جاۋىن-شاشىن مولشەرى رەسپۋبليكانىڭ باسىم بولىگىندە نورماعا جاقىن بولادى. سولتۇستىك قازاقستاننىڭ باسىم بولىگىندە، بقو، قوستاناي، اقمولا وبلىستارىندا جانە اقتوبەنىڭ سولتۇستىگىندە جاۋىن-شاشىن نورمادان ارتىق جاۋادى. سولتۇستىكتە جانە شىعىستا ارالاس، ەلدىڭ وڭتۇستىگى مەن باتىسىندا ورتاشا دەڭگەيدە جاۋادى.