بۇل مانەرلەپ سىرعاناۋ بويىنشا قازاقستاندىق سپورتشىلار ءۇشىن تاريحي جەتىستىك
ميحايل شايداروۆ مانەرلەپ سىرعاناۋدان جاستار اراسىنداعى الەم چەمپيوناتىنىڭ كۇمىس جۇلدەگەرى اتاندى، دەپ حابارلايدى Almaty-akshamy.kz ۇوك-كە سىلتەمە جاساپ.
ەستونيانىڭ تاللين قالاسىندا مانەرلەپ سىرعاناۋدان جاستار اراسىندا الەم چەمپيوناتى ءوتىپ جاتىر. ۇلدار اراسىندا جەكە باعدارلامادا ونەر كورسەتكەن قازاقستاندىق ميحايل شايداروۆ كۇمىس جۇلدەگە يە بولدى. نەگىزگى باعدارلامادا ول 234،31 ۇپايىنا يە بولدى.
ايتا كەتسەك، بۇل مانەرلەپ سىرعاناۋ بويىنشا قازاقستاندىق سپورتشىلار ءۇشىن تاريحي جەتىستىك. بۇعان دەيىن مانەرلەپ سىرعاناۋدان جاستار اراسىنداعى الەم چەمپيوناتىنان ەشكىم مەدال الماعان.