زىمىران بۇل جولى ۇشقىشسىز ۇشىرىلدى
اقش-تىڭ NASA عارىش اگەنتتىگى فلوريداداعى كاناۆەرال مۇيىسىنەن ءوزىنىڭ ەڭ قۋاتتى SLS ("عارىشتىق ۇشىرۋ جۇيەسى") زىمىرانىن ۇشىردى. بۇل «ارتەميدا» - ادامدى ايعا قايتارۋ جونىندەگى جاڭا امەريكاندىق باعدارلاما، دەپ حابارلايدى Almaty-akshamy.kz ازاتتىق رۋحىنا سىلتەمە جاساپ.
قازىرگى ۇشىرۋ ۇشقىشسىز جۇزەگە استى، ميسسيانىڭ ماقساتى - تەحنولوگيانى تەكسەرۋ جانە 2024 جىلى ارتەميدا-2ء-نى ەكيپاجبەن بىرگە ىسكە قوسۋ.
100 مەترلىك زىمىران وريون كاپسۋلاسىن كەيىننەن عارىشقا، ايعا قاراي شىعارۋ كەرەك. ادامدار سوڭعى رەت 1972 جىلى جەلتوقساندا اپپولون 17 ميسسياسىنىڭ ۇشۋى كەزىندە ايعا قوندى.
جەلتوقسان ايىندا NASA اپوللون 17 ۇشۋىنىڭ 50 جىلدىعىن اتاپ وتەدى. قازىرگى ميسسيا گرەك ميفولوگياسىنداعى اپوللوننىڭ اپكەسىنىڭ قۇرمەتىنە "ارتەميدا" دەپ اتالدى.
ەندى، ۇزاق ۇزىلىستەن كەيىن جانە مۇلدەم جاڭا جابدىقپەن جاڭا اي باعدارلاماسىنىڭ العاشقى رەيسى ۇشقىشسىز بولادى. بۇل تەحنولوگيانىڭ تيىمدىلىگىن تەكسەرۋگە ارنالعان سىناق.
بۇل - ارتەميدانى ۇشىرۋدىڭ ءۇشىنشى ارەكەتى. تەحنيكالىق سەبەپتەرگە بايلانىستى قىركۇيەك پەن قازان ايلارىندا ۇشىرۋلار كەيىنگە قالدىرىلدى، ينجەنەرلەر زىمىراننىڭ نەگىزگى ساتىسىنىڭ بارلىق ءتورت ۇلكەن قوزعالتقىشى ۇشۋعا تولىق دايىن ەكەنىنە سەنىمدى بولمادى.
بۇل جولى ءداليدى ۇشىرۋ رۇقساتى جانە زىمىران كەننەدي عارىش ورتالىعىنان جەرگىلىكتى ۋاقىت بويىنشا 01:47-دە (06:47 GMT) ۇشىپ كەتتى.