كوكتايعاقتىڭ الدىن الۋ ماقساتىندا 126 قۇمشاشقىشتىڭ كۇشىمەن جولدارعا كوكتايعاققا قارسى ماتەريالدار سەبىلەدى. 17 قاراشادا ساعات 06:00-دەگى جاعداي بويىنشا 2856 توننا ماتەريال پايدالانىلدى، دەپ حابارلايدى Almaty-akshamy.kz.
الماتى قالاسى كوممۋنالدىق ينفراقۇرىلىمدى دامىتۋ باسقارماسىنىڭ مالىمەتىنشە، قالادا 8-10 سم قار جاۋدى، تاۋ بوكتەرىندە – 16 سم-گە دەيىن قار جاۋدى، تاۋلى اۋدانداردا – 21 سم-گە دەيىن. قالانىڭ جوعارعى بولىگىندە قار شىعارۋ جۇمىستارى باستالدى. 105 م3 قار شىعارىلدى.
تروتۋارلاردى، قوعامدىق كولىك ايالدامالارىن، جەر ءۇستى جانە جەراستى وتكەلدەرىن تازالاۋ جۇمىستارى جۇرگىزىلۋدە. تۇنگى كەزەڭدە 414 بىرلىك تەحنيكا، ونىڭ ىشىندە 126 قۇمشاشقىش، سونداي-اق 379 جول جۇمىسشىسى جۇمىلدىرىلدى. تاڭەرتەڭ قالا كوشەلەرىنە 452 بىرلىك تەحنيكا جانە 1280 جول جۇمىسشىسى شىعارىلدى.
اۋدان اكىمدىكتەرىندە قار تازالاۋ جۇمىستارىنىڭ جۇرگىزىلۋىن باقىلاۋ بويىنشا تاۋلىك بويى كەزەكشىلىك ۇيىمداستىرىلدى.
قۇرمەتتى الماتىلىقتار!
قاردىڭ تۇسۋىنە جانە اۋا تەمپەراتۋراسىنىڭ تومەندەۋىنە، تۇمانعا، جولدار مەن تروتۋارلارداعى اۋا ىلعالدىلىعىنىڭ جوعارىلاۋىنا بايلانىستى كوكتايعاق، مۇز پايدا بولادى دەپ بولجانۋدا.
جۇرگىزۋشىلەردى اپاتتار ءقاۋپىنىڭ جوعارىلاۋىنا بايلانىستى جىلدامدىقتى تومەندەتۋگە، اۆتوموبيلدەر اراسىنداعى قاشىقتىقتى ارتتىرۋعا جانە مانيەۆر جاساۋدان اۋلاق بولۋعا شاقىرامىز.
جاياۋ جۇرگىنشىلەردەن تروتۋارلاردا جۇرگەندە اباي بولۋدى، شۇعىل قاجەتتىلىكسىز ۇيدەن شىقپاۋدى سۇرايمىز.
«قازگيدرومەت» رمك بولجامى بويىنشا كۇندىزگى ۋاقىتتا جاۋىن-شاشىن بولمايدى. اۋا تەمپەراتۋراسى كۇندىز 17 قاراشا – 0...+2°س.