الماتى تەحنولوگيالىق كوللەدجى 1975 جىلى داڭقى سول كەزدەگى كەڭەس وداعىنا كەڭىنەن تانىلعان اتاقتى احبك-عا جۇمىسشى كادرلار دايىنداۋ ماقساتىندا اشىلعان ەدى. وقۋ ورداسى «الماتى ماقتا-ماتا كومبيناتى» ءۇشىن مامان دايارلايتىن №203 قالالىق كاسىپتىك- تەحنيكالىق ۋچيليششە دەپ اتالدى.
سول جىلدارى وقۋ ورداسىنا تەك ءوز ەلىمىزدىڭ جاستارى عانا ەمەس، بارلىق وداقتاس ەلدەردەن ارنايى كەلىپ ءبىلىم الا باستادى. ماسەلەن، 1975–1998 جىلدار ارالىعىندا ۋچيليششە احبك ءۇشىن توقىماشى، ءيىرۋشى، لەنتالىق جانە تەگىستەۋ جابدىقتارىنىڭ وپەراتورى، وراۋشى، توقىما جانە ءيىرۋ ءوندىرىسى شەبەرلەرىنىڭ كومەكشىلەرى، ماتا ساپاسىن باقىلاۋشىلار، ەلەكتر مونتەرلەرى، راكليستەر، تىگىنشىلەر ماماندىقتارى بويىنشا 8120 جوعارى بىلىكتى مامان دايارلادى.
1991 جىلى وقۋ ورنى №1 جوعارى كاسىپتىك ۋچيليششە بولىپ قايتا قۇرىلسا، 1997 جىلى الماتى قالاسى ءبىلىم باسقارماسىنىڭ «№1 كاسىپتىك ليسەيى» دەپ اتالدى. وقۋ ورنى ەڭبەك نارىعىنىڭ، ەكونوميكانىڭ تالاپتارىنا سايكەس كەلەتىن كاسىپتەر مەن ماماندىقتارعا قايتا بەيىندەلدى. جاڭا وقۋ-جوسپارلاۋ قۇجاتتاماسىن، مودۋلدىك وقۋ باعدارلامالارىن سىناقتان وتكىزۋ، ارىپتەس كاسىپورىنداردىڭ ءرولىن ەداۋىر كۇشەيءتۋدى كوزدەيتىن بىلىكتى كادرلار دايارلاۋدىڭ كووپەراتيۆتىك ءجۇيەسىن ەنگىزۋ قولعا الىندى.
ليسەي بازاسىندا ادىستەمەلىك جۇمىس، پەداگوگيكالىق يننوۆاسيا جانە بىلىكتىلىكتى ارتتىرۋ ورتالىعىن قۇرۋ سىندى مىندەتتەر سارالاندى. نارىق زامانىنىڭ تالابىنا ساي 1996-1997 جىلدارى «شاشتاراز» ماماندىعى بويىنشا ماماندار دايارلاۋدا «قازاقستان–تۇركيا» جوباسى ەنگىزىلدى. تۇركيا تاراپىنان وقۋ ورنىنا شاشتاراز ىسىنە ارنالعان جابدىقتار، قۇرال-سايماندار مەن پارفيۋمدىك ماتەريالدار قامتاماسىز ەتىلدى. انكارانىڭ ەڭ بىلىكتى شاشتاراز شەبەرلەرى جىل بويى وقۋشىلارعا پەداگوگيكالىق كاسىبي شەبەرلىك قۇپيالارىن ۇيرەتتى.
سونىمەن قاتار، قازاقستان– گەرمان ۇكىمەتارالىق كەلىسىمى شەڭبەرىندە ليسەيدە نەمىس ۇلتىنان 130 ادام «ءقوناقۇي جانە مەيرامحانا ءىسىنىڭ مامانى» ماماندىعىن مەڭگەردى. ولار بۇگىندە قازاقستاندا عانا ەمەس، گەرمانيادا دا ءقوناقۇي جانە مەيرامحانا بيزنەسى سالاسىندا جەمىستى ەڭبەك ەتىپ ءجۇر.
كوللەدج شەت مەملەكەتتەرمەن دە تىعىز بايلانىستا. ماسەلەن، «شىعىس-باتىس: قوناقجايلىلىق داستۇرلەرىن بايىتۋ» جوباسىن فرانسيانىڭ سىرتقى ىستەر مينيسترلىگى قارجىلاندىردى. ليسەيدىڭ ءتورت قىزمەتكەرى پاريج قالاسىنداعى «بيليار» كاسىپتىك ليسەيىندە ءقوناقۇي جانە مەيرامحانا ءىسى بويىنشا تاعىلىمدامادان ءوتتى.
سونىمەن قاتار، پاريج قالاسىنىڭ كاسىپتىك ليسەيىندەگى ءارىپتەستەر ءقوناقۇي جانە مەيرامحانا بيزنەسى ماماندارىن دايارلاۋدىڭ يننوۆاسيالىق تەحنولوگيالارى بويىنشا «شەبەرلىك سىنىبى» نىسانىندا اپتالىق ساباقتار وتكىزىپ تۇرادى.
ءبىز ەلىمىزدەگى 180 ۇزدىك كوللەدج قاتارىندا «جاس مامان» باعدارلاماسىنا قاتىستىق. بۇگىندە باعدارلاما اياسىندا «تاماق تەحنولوگيالارى» بىلىكتىلىك ورتالىعى اشىلىپ، ول ەڭ زاماناۋي جابدىقتارمەن جابدىقتالدى. قازىرگى تاڭدا قالالىق، رەسپۋبليكالىق جانە حالىقارالىق كاسىبي شەبەرلىك كونكۋرستارىن وتكىزۋگە ارنالعان الاڭعا اينالىپ وتىر. كوللەدجدىڭ ءبىلىم الۋشىلارى وڭىرلىك دەڭگەيدە 7 قۇزىرەت بويىنشا قاتىسادى: «اسپاز ءىسى»، «كونديتەر ءىسى»، «مەيرامحانا سەرۆيسى»، «ۆيزۋالدى مەرچەندايزينگ جانە ۆيترينيستيكا»، «گيد-ەكسكۋرسوۆود»، «قوناقۇيلەردى باسقارۋ»، «ناۋبايحانا شەبەرلىگى» جانە وسى باعدارلاردا بىرنەشە مارتە جەڭىمپاز اتاندى.
بۇدان بولەك، وقۋ ورنى سامارقاند تۋريزم جانە سەرۆيس تەحنيكۋمىمەن، «Caspian Center»-مەن (تۇركيا رەسپۋبليكاسى)، NIKOLAOS باري قورىمەن (يتاليا)، «ورتالىق ازياداعى كاسىپتىك ءبىلىم بەرۋ (رەسا)» (گەرمانيا) ۇيىمىمەن شۆەيساريادا وقۋ باعدارلاماسى بويىنشا ىنتىماقتاستىق شەڭبەرىندە «دۋالدى كاسىپتىك ءبىلىم بەرۋ جۇيەسىن ودان ءارى دامىتۋ تۇجىرىمداماسىن» قابىلداپ، «كاسىپتىك ستاندارتتار نەگىزىندە دۋالدى حالىقارالىق تاعىلىمدامادان ءوتتى.
وتكەن وقۋ جىلىنان باستاپ الماتى قالاسى اكىمدىگىنىڭ قاۋلىسىمەن جەرگىلىكتى ءبىلىم باسقارماسىنىڭ «الماتى تەحنولوگيالىق كوللەدجى» بولىپ اتالدىق. بۇگىنگى تاڭدا كوللەدجدە ۆولەيبول، فۋتبول، باسكەتبول، ۇستەل تەننيسى سەكسيالارى، سونداي-اق بي ۇيىرمەلەرى، «جاسىن»، «اسپازدىق ءىس»، «ميكسولوگيا»، «باريستا» جانە شاحمات ۇيىرمەلەرى ۇيىمداستىرىلىپ، ۆولونتەرلىك قىزمەتكە وقۋشىلاردىڭ جارتىسىنان استامى تارتىلدى. «اشىق جۇرەك» ەرىكتىلەر كلۋبى، «جاس سارباز» اسكەري-پاتريوتتىق كلۋبى، قىزدارعا ارنالعان «Syrgalym» كلۋبى بار.
شەتەلدىك سەرىكتەس كومپانيالارمەن جانە ۇيىمدارمەن بەلسەندى ىنتىماقتاستىق، حالىقارالىق بايلانىستار مەن ءارiپتەستiكتi دامىتۋ باعدارلارى اياسىندا كوللەدج الەمدiك بiلiم بەرۋ كەڭiستiگiنە تانىمال ءبىلىم ورداسىنا اينالدى. ءبىلىم بەرۋ باعدارلامالارى بارلىق كاسىبي ستاندارتتار مەن جۇمىس بەءرۋشىنىڭ تالاپتارىن ەسكەرە وتىرىپ ازىرلەنگەن.
ءبىز ءاردايىم ەڭبەك نارىعىنىڭ وزگەرمەلى جاعدايلارىنا ساي، بولاشاقتا قايتا وقىتۋدى تالاپ ەتپەيتىن، تەك ەڭبەك جاعدايلارىنىڭ وزگەرۋى مەن جاڭا تەحنولوگيالاردى ەنگىزۋ فاكتىسى بويىنشا بىلىكتىلىكتى ارتتىرۋدى عانا قاجەت ەتەتىن كادرلاردى دايىندايمىز. قازىرگى نارىق تالابىن باستى باعدار ەتىپ، سەرۆيس جانە تاماق تەحنولوگيالارى سالاسىنىڭ ەڭ قاجەتتى ماماندىقتارىن دايىندايمىز. بۇل ءۇشىن وقىتۋدىڭ يكەمدى ادىستەرىن قولدانامىز، دۋالدى وقىتۋدى جانە كاسىپورىنداردىڭ وتىنىمدەرى بويىنشا وقىتۋدى كەڭىنەن پايدالانامىز. جىل سايىن كوللەدجدىڭ 400-گە جۋىق تۇلەگى ەڭبەك نارىعىنا ارالاسىپ، كاسىبي كادر نەمەسە جوو ستۋدەنتى مەن جاس كاسىپكەر اتانادى.