جىل سايىن 1990 جىلدان باستاپ تامىزدىڭ ءبىرىنشى اپتاسىندا دۇنيەجۇزىلىك ومىراۋ سۇتىمەن قورەكتەندىرۋ اپتالىعى وتەدى6 دەپ حابارلايدى almaty-akshamy.kz
بالا قۇقىقتارى تۋرالى كونۆەنسياعا سايكەس، ءار نارەستە جانە باسقا جاس توپتارى دۇرىس تاماقتانۋعا قۇقىلى. ومىراۋ سۇتىمەن قورەكتەندىرۋ - دۇنيەجۇزىلىك دەنساۋلىق ساقتاۋ ۇيىمىنىڭ 170 ەل، ونىڭ ىشىندە قازاقستان قابىلداعان باعدارلاماسى.
ومىراۋ سۇتىمەن قورەكتەندىرۋ - بالانىڭ دەنساۋلىعى مەن ءومىر ءسۇرۋىن قامتاماسىز ەتۋدىڭ ەڭ ءتيىمدى ادىستەرىنىڭ ءبىرى. ەمشەك سۇتى-نارەستەلەر ءۇشىن تاماشا تاعام. ول ءقاۋىپسىز، زيانسىز جانە كوپتەگەن جالپى بالالىق شاق اۋرۋلارىنان قورعاۋعا كومەكتەسەتىن انتيدەنەلەردەن تۇرادى.
ومىراۋ سۇتىمەن قورەكتەنەتىن نارەستەلەر ينتەللەكتۋالدى تۇردە جاقسى داميدى، ارتىق سالماقتان از زارداپ شەگەدى جانە قانت ديابەتىنە بەيىم ەمەس. ومىراۋ سۇتىمەن قورەكتەندىرەتىن ايەلدەردە ءسۇت بەزى مەن انالىق بەز قاتەرلى ىسىگىنىڭ دامۋ ءقاۋپى دە تومەندەيدى.
نارەستەلەردى تۋعاننان باستاپ 23 ايعا دەيىن وڭتايلى ومىراۋ سۇتىمەن قورەكتەندىرۋ جىل سايىن بۇكىل الەم بويىنشا 820 مىڭ بالانى قۇتقارۋعا مۇمكىندىك بەرەدى. ءبىزدىڭ ومىراۋ سۇتىمەن قورەكتەندىرۋگە ۇلكەن ءمان بەرىلەدى. ومىراۋ سۇتىمەن قورەكتەندىرۋ بۇل انانىڭ بالامەن ەموسيونالدى بايلانىسىن كۇشەيتەتىن، بالانىڭ پسيحوفيزيكالىق دامۋىنا جالپى قولايلى دامۋدى قامتاماسىز ەتەتىن ماڭىزدى پروسەستەردىڭ ءبىرى.
بولاشاق انالاردى ومىراۋ سۇتىمەن قورەكتەندىرۋگە دايىنداۋ ايەلدىڭ جۇكتىلىك كەزەڭىندە ونىڭ دەنەسىنىڭ فيزيولوگيالىق وزگەرىستەرىن، بالانى كەۋدەگە سالۋ تاسىلدەرىن جانە تاماقتاندىرۋدىڭ جالپى ەرەجەلەرىن تۇسىندىرۋدەن باستالادى.
بۇگىنگى تاڭدا ەلىمىزدە تەك ومىراۋ سۇتىمەن قورەكتەندىرۋدە 0-دەن 6 ايعا دەيىنگى 180 مىڭ بالا جانە 2 جاسقا دەيىنگى 568 مىڭ بالا قوسىمشا تاماقتاندىرۋمەن جانە جالپى تاماقتانۋمەن بىرگە ومىراۋ سۇتىمەن قورەكتەنەدى.