جالپى 1000 ادامدى كاسىپتىك وقىتۋعا جىبەرۋ جوسپارلانۋدا. ونىڭ ىشىندە: ءبىلىم بەرۋ ۇيىمدارىندا كاسىپتىك وقىتۋعا 687 ادام جولدانسا، جۇمىسى جوق 313 ادامدى جۇمىس بەرۋشىلەردىڭ جۇمىس ورنىنا كاسىپتىك وقىتۋعا جىبەرۋ جوسپارلانۋدا. بۇل تۋرالى وڭىرلىك كوممۋنيكاسيالار قىزمەتىنىڭ الاڭىندا الماتى قالاسى مانساپ ورتالىعىنىڭ باسشىسى ادىلەت جاڭابايەۆ ايتتى، دەپ حابارلايدى almaty-akshamy.kz
كاسىپتىك وقىتۋ ۇزاقتىعى 3 ايدان اسپايدى.
«بيىل 26 ساۋىردەگى وڭىرلىك كوميسسيا وتىرىسىندا ءبىلىم بەرۋ ۇيىمدارىندا كاسىپتىك وقىتۋ بويىنشا 18 ماماندىق بويىنشا 42 جۇمىس بەرۋشىنىڭ ءتىزىمى، 687 ورىنعا بەكىتىلدى. جۇمىسسىزداردى جۇمىس بەرۋشىلەردىڭ جۇمىس ورنىندا كاسىپتىك وقىتۋدى ۇيىمداستىرۋ ءۇشىن 12 ماماندىق بويىنشا 13 جۇمىس بەرۋشىنىڭ ءتىزىمى، 313 ورىنعا بەكىتىلدى»، - دەپ حابارلادى ءا. جاڭابايەۆ.
كورسەتىلگەن كاسىپتىك وقىتۋ تۇرلەرى بويىنشا 2023 جىلعا ءبىر ادامعا وقىتۋ قۇنى 50 مىڭ تەڭگە مولشەرىندە بەكىتىلدى.
كاسىپتىك وقۋعا جىبەرىلگەن قاتىسۋشىلارمەن الەۋمەتتىك كەلىسىمشارت جاسالادى جانە 21 787 تەڭگە مولشەرىندە وقۋدىڭ بۇكىل كەزەڭى ءۇشىن ستيپەنديامەن قامتاماسىز ەتىلەدى.
جۇمىسسىزداردى جۇمىس بەرۋشىلەردىڭ جۇمىس ورنىندا كاسىبي وقىتۋعا كەلەتىن بولساق، مۇندا قاتىسۋشىلارمەن ەڭبەك شارتى جاسالادى جانە اي سايىن مانساپ ورتالىعى سالىقتاردى، مىندەتتى الەۋمەتتىك اۋدارىمداردى، پايدالانىلماعان ەڭبەك دەمالىسىنا وتەماقىنى، بانكتىك قىزمەتتەردى جانە ەكولوگيالىق ۇستەمەاقىلار بويىنشا تولەمدەردى ەسەپكە الماعاندا 20 اەك (69 000 تەڭگە) مولشەرىندە جالاقى تولەيدى.
«جاسالعان الەۋمەتتىك كەلىسىمشارت جانە ەڭبەك شارتى شەڭبەرىندە وقۋدى ءساتتى اياقتاعاننان كەيىن جۇمىس بەرۋشىلەر جۇمىسقا ورنالاسۋعا جاردەمدەسەدى. بۇگىنگى تاڭدا مانساپ ورتالىعىنا 400-دەن استام جۇمىسسىز وقۋعا ءوتىنىم قالدىرىپ، وقۋعا جىبەرىلدى. كەلەشەكتە ۇمىتكەرلەردىڭ ءوتىنىش جاساۋىنا قاراي ءتىزىم كەڭەيتىلەتىن بولادى جانە كاسىبي باعدار بەرۋ جۇمىستارى جۇرگىزىلەتىن بولادى»، - دەپ قورىتىندىلاى سپيكەر.
بارلىق سۇراقتار بويىنشا دوستىق داڭعىلى، 85، «الەۋمەتتىك قىزمەتتەر ءۇيى» مەكەنجايى، بولماسا، ءبىرىڭعاي ءنومىرى 310-47-82 ارقىلى بىلۋگە بولادى. تولىعىراق اقپاراتپەن مانساپ ورتالىعىنىڭ الەۋمەتتىك جەلىلەرىندە @ctm_almaty تانىسۋعا بولادى.