«زەردەلىدەگى» توعىز قاباتتى ۇيلەر 2012-2016 جىلداردىڭ ارالىعىندا سالىنعان. كوپ ۇزاماي العاشقى ۇيلەر سىر بەرە باستادى. ودان كەيىن وزگە ۇيلەر دە وسىلاي قيسايا باستادى.
مامانداردىڭ زەرتتەۋىنەن كەيىن «زەردەلىدەگى» 30 ءۇيدى كۇشەيتۋ تۋرالى شەشىم قابىلدانادى. بۇگىنگى كۇنى عيماراتتاردىڭ ىرگەتاسى جوندەلىپ، ۇيلەر تۇزەتىلدى.
قازاق قۇرىلىس جانە ساۋلەت عىلىمي-زەرتتەۋ جانە جوبالاۋ ينستيتۋتىنىڭ ماماندارىنىڭ قورىتىندىسىنا سايكەس كۇشەيتىلگەن ۇيلەر پايدالانۋعا جارامدى. قالا اكىمدىگى دە عيماراتتاردىڭ قازىرگى جاعدايى قاناعاتتانارلىق دەپ، قۇرىلىس نورمالارىنا ساي ەكەنىن راستاپ وتىر.
- بۇگىنگى تاڭدا قۇرىلىس باسقارماسى كوپقاباتتى 30 ءۇيدىڭ الدىن سىرلاپ، اۋماقتاعى ابانتتاندىرۋ جۇمىستارىن اياقتادى. سونىمەن قاتار 2022 جىلدان اياقتالماي قالعان ەكى تۇرعىن ءۇي ءسۇرىلدى. ولاردىڭ ورنىنا ساياباق اشۋ جوسپارلانىپ وتىر، - دەيدى قالالىق قۇرىلىس باسقارماسى جەتەكشىسىنىڭ ورىنباسارى ايدار نۇرعوجايەۆ.