2022 جىلعى 10 قاراشادا ساعات 17.00-دە المالى اۋدانىندا گوگول جانە ءشارىپوۆ كوشەلەرىنىڭ قيىلىسىندا جىلۋ تراسساسى جارىلدى. اپاتقا قۇبىردىڭ توزۋى سەبەپ بولعان، - دەپ حابارلايدى almaty-akshamy.kz
ديامەترى 400 مم زاقىندانعان قۇبىردى جوندەۋ ءۇشىن اۋداندى ىستىق سۋمەن جابدىقتاۋ ۋاقىتشا ءوشىرىلدى.
جىلۋ تراسساسى 30 جىلدان استام ۋاقىت بۇرىن – 1986 جىلى پايدالانۋعا بەرىلدى. سوڭعى جىلدارى بۇل اۋماقتا قۇبىردىڭ توزۋىنا بايلانىستى 17 اپات بولعان، بۇگىنگى 18ء-شى وقيعا.
67 كوپپاتەرلى جانە 2 جەكە ءۇي، 6 ءبىلىم بەرۋ نىسانى جانە 20-دان استام باسقا نىساندار ۋاقىتشا جىلۋسىز قالدى.
زاقىمدالعان قۇبىردى جانە زاقىمدالعان جەردى انىقتاۋ بويىنشا جۇمىستار جۇرگىزىلىپ جاتىر. “الماتى جىلۋ جۇيەسى” ج ش س ماماندارى قۇبىردى جوندەپ جاتىر. بارلىعى 3 بىرلىك تەحنيكا مەن 18 ادام جۇمىلدىرىلدى.