ناميبيانىڭ ەڭ ءىرى كۇندەلىكتى باسىلىمى The Namibian-نىڭ جازۋىنشا، اتالعان ەلدىڭ باسشىسى ناميبيا استاناسى ۆيندحۋك قالاسىنداعى اۋرۋحانادا كوز جۇمعان.
ال ۆيسە-پرەزيدەنت نانگولو مبۋمبا مارقۇم گەينگوبتىڭ 3 اقپان كۇنى تاڭەرتەڭ ايەلى مەن بالالارىنىڭ قاسىندا جان تاپسىرعانىن ايتتى.
گەينگوب 2015 جىلى ناميبيا پرەزيدەنتى قىزمەتىنە كىرىسكەن. ول 1990 جىلدان 2002 جىلعا دەيىن بۇرىنعى پرەزيدەنت سەم نۋجومانىڭ اكىمشىلىگى كەزىندە ەلدىڭ ءبىرىنشى پرەمەر-مينيسترى قىزمەتىن اتقاردى.
گەينگوب سوڭعى ايلاردا دەنساۋلىعىنا قاتىستى پروبلەمالارمەن كۇرەسىپ كەلەدى. 8 قاڭتاردا پرەزيدەنت وزىنە قاتەرلى ىسىك دياگنوزى قويىلعانىن حابارلادى. كەيىن، 25 قاڭتاردا مەملەكەت باسشىسى ەمدەلۋگە اقش-قا اتتاندى. گەينگوب 30 قاڭتاردا - ەكى كۇن ەمدەلگەننەن كەيىن ناميبياعا قايتا ورالدى.
ول 2015 جىلى ناۋرىزدا ناميبيا پرەزيدەنتى بولدى جانە 2019 جىلى قايتا سايلاندى. سونداي-اق 1990-2002 جانە 2012-2015 جىلدارى ەكى رەت ەلدىڭ پرەمەر-مينيسترى قىزمەتىن اتقارعان.