2024 جىلعى 3-4 اقپاندا استانا قالاسى ءماسليحاتىنىڭ قولداۋىمەن "تارلان" مۇز سارايىندا قىزمەتتىك مىندەتىن اتقارۋ كەزىندە ەرلىكپەن قازا تاپقان ءورت ءسوندىرۋشى اسقار زابيكۋليندى ەسكە الۋعا ارنالعان شايبالى حوككەيدەن تۋرنير ءوتتى، دەپ حابارلايدى almaty-akshamy.kz
تۋرنيرگە QUTQARUSHI، BI HOCKEY TEAM، BAUERLAR جانە ORDA حوككەي كوماندالارى قاتىستى.
ءتۋرنيردىڭ سالتاناتتى اشىلۋىنا توتەنشە جاعدايلار ءمينيسترى سىرىم ءشارىپحانوۆ، قالالىق ءماسليحات ءتوراعاسى ەرلان كاناليموۆ جانە دەپۋتاتتار توبى، اسقار زابيكۋليننىڭ جاقىندارى، جارى مەن بالالارى، ەلوردالىق تجد باسشىلىعى مەن ارداگەرلەرى قاتىستى.
ەكى كۇندىك ءتۋرنيردىڭ جەڭىمپازى Bauerlar كومانداسى، ەكىنشى ورىندى Qutqarushi كومانداسى، ال ءۇشىنشى ورىندى BI hockey team جەڭىپ الدى.
قىزمەت بارىسىندا قازا تاپقان ءورت ءسوندىرۋشى، ءبىزدىڭ زامانىمىزدىڭ باتىرى اسقار زابيكۋليندى ەسكە الۋعا ارنالعان الداعى تۋرنير بۇرىن ۆولەيبولدان جانە ءورت-قۇتقارۋ سپورتىنان وتكەن بولاتىن. قاڭتار ايىندا اسقار زابيكۋلين 30 جاسقا تولار ەدى.