ەگيپەتتىك قولجازبالار تۇساۋكەسەرى الەمدىك جانە ءداستۇرلى دىندەر كوشباسشىلارىنىڭ VII cەزى اياسىندا وتۋدە.
قولجازبالار جانە سيرەك كىتاپتار ۇلتتىق ورتالىعىندا مىسىر ەلىنەن ارنايى اكەلىنگەن قولجازبالار جيناعىنىڭ تۇساۋى كەسىلدى، دەپ حابارلايدى Almaty-akshamy.kz Elorda.info-عا cىلتەمە جاساپ.
جيىندا ءال-اسحار سيرەك قولجازبالار قورىنداعى عىلىمي ەڭبەكتەر مەن قولجازبالار جيناعى ۇلتتىق ورتالىق قورىنا تابىستالدى. «ءال-ازحار» ۋنيۆەرسيتەتى قازاقستانعا 55 مىڭنان استام قولجازبا جيناقتالعان كاتالوگتىڭ 28 تومىن سىيعا تارتتى.
شاراعا يسلامتانۋ اكادەمياسىنىڭ باس حاتشىسى ءال-ازحار، پروفەسسور نازير مۋحامماد ءال-نازيرا اييادا، ق ر ەگيپەت اراب رەسپۋبليكاسىنداعى توتەنشە جانە وكىلەتتى ەلشىسى قايرات لاما شاريف، قولجازبا ۇلتتىق ورتالىعى ديرەكتورىنىڭ ورىنباسارى نۇرلان ەرەجەپوۆ، سونداي-اق ورتالىقتىڭ عىلىمي قىزمەتكەرلەرى قاتىستى.
«بۇگىنگى جيىن مىسىرلىقتاردىڭ قازاق حالقىنا دەگەن قۇرمەتى ەكەندىگىن اتاپ وتكىم كەلەدى. جۇمىستىڭ ماڭىزدىلىعىنا توقتالار بولساق، وتە قۇندى دۇنيە. ويتكەنى وسى كاتالوگ يسلام جانە اراب الەمىنىڭ عاسىرلار بويى دامۋىن كورسەتەدى. ەڭبەكتىڭ تاعى ءبىر قۇندىلىعى – ونىڭ بىرنەشە عىلىم مەن ءبىلىم سالاسىن قامتۋىندا جاتىر. وسى تۋىندىلاردىڭ ارتىندا يسلام الەمى، اراب تەكتى اۆتورلار تۇر. بۇل كاتالوگ 55 مىڭنان استام قولجازبانى قامتيدى. ماسەلەن، اراب تىلىنە قاتىستى عىلىم-بىلىمدەر، يسلام، مەديسينا، استرونوميا، جالپى بارلىق سالانى قامتيدى دەپ ايتۋعا بولادى. ەڭبەكتىڭ ءبىر ەرەكشەلىگى – ول ناقتى ءبىر ايماقتىڭ اۆتورلارىن عانا قامتىپ قويمايدى، ونىڭ اۋقىمى كەڭ. وسى ەڭبەكتىڭ ءدىني جانە عىلىمي ماڭىزدىلىعىن بارشا جۇرت ءبىلۋى كەرەك. ويتكەنى بۇل تەك ارابتارعا عانا ەمەس، بارشا مۇسىلمان قاۋىمعا ورتاق مۇرا»، - دەدى مىسىر اراب رەسپۋبليكاسى ءال-ازحار جانىنداعى يسلام زەرتتەۋلەر اكادەمياسىنىڭ باس حاتشىسى، پروفەسسور، دوكتور نازير مۇحاممەد مۇحاممەد ءال-نازير اياد.