الاياقتىق قۇقىقبۇزۋشىلىقتار سالدارىنان 61،2 ملرد تەڭگە كولەمىندە زالال كەلگەن.
ونىڭ ىشىندە، جەكە تۇلعالارعا 39،3 ملرد تەڭگە، زاڭدى تۇلعالارعا 15،1 ملرد تەڭگە، مەملەكەتكە 6،8 ملرد تەڭگە شىعىن كەلگەن، دەپ حابارلايدى Almaty-akshamy.kz Finprom.kz-كە سىلتەمە جاساپ.
2022 جىلعى قاڭتار–تامىز ارالىعىندا «الاياقتىق» بابى بويىنشا 29،9 مىڭ قۇقىقبۇزۋشىلىق تىركەلگەن. بۇل بىلتىرعى جىلمەن سالىستىرعاندا 3%-عا ارتىق.
ونىڭ باسىم بولىگى ينتەرنەت-الاياقتىق دەرەكتەرى (13،8 مىڭ) ەكەنىن اتاپ وتكەن ءجون. بۇدان ەلىمىزدە بولەك قىلمىستىق قۇقىقبۇزۋشىلىقتىڭ 180ء-ى تولەم كارتالارىن پايدالانۋ ارقىلى، 87ء-سى اقشانى قارىزعا بەرۋ ارقىلى، 36-سى نەسيە بەرۋ سالاسىندا، بىرەۋى جىلجىمايتىن مۇلىكپەن بايلانىستى سالالاردا تىركەلدى.
قىلمىستىق قۇقىقبۇزۋشىلىقتاردىڭ نەگىزگى بولىگى الماتىدا (7 مىڭ جاعداي) ورىن العان. ودان كەيىنگى ورىنداردا نۇر-سۇلتان (4،4 مىڭ) جانە شىمكەنت (2،7 مىڭ) قالالارى بار.
باسقا وڭىرلەرگە قاراعاندا قۇقىقبۇزۋشىلىقتار ۇلىتاۋ، جەتىسۋ جانە اباي وبلىستارىندا از تىركەلگەن. اتالعان وبلىستار ماۋسىم ايىندا قۇرىلعان.
جىل باسىنان بەرى الاياقتىق بويىنشا 3،9 مىڭ ادام ۇستالدى. 2021 جىلمەن سالىستىرعاندا 3،8%-عا از. اقپاراتقا سايكەس، ولاردىڭ باسىم بولىگى (3،2 مىڭ ادام) جۇمىسسىزدار.
بۇدان بولەك حالىقتى سان سوقتىرعانداردىڭ ىشىندە 114 جۇمىسشى، 98 مەملەكەتتىك قىزمەتشى، 60 جەكە كاسىپكەر، 42 وقۋشى، 10 اسكەري قىزمەتشى دە بار.