م.ايتجانوۆ ۇلتتىق قۇرامانى 2009-2018 جىلدار ارالىعىندا باسقاردى.
مىرزاعالي ايتجانوۆ بوكستان قازاقستان ەرلەر قۇراماسىنىڭ باس باپكەرى بولىپ تاعايىندالدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
قازاقستان بوكس فەدەراسياسىنان ءمالىم ەتكەندەي، م.ايتجانوۆ كوماندا باسشىسى قىزمەتىنەن ءوز ەركىمەن كەتكەن قايرات ءساتجانوۆتى الماستىردى.
مىرزاعالي ايتجانوۆ – وليمپيادا ويىندارىنىڭ قولا جۇلدەگەرى، الەم چەمپيونى ساكەن بيبوسىنوۆتىڭ جەكە جاتتىقتىرۋشىسى.
م.ايتجانوۆ ۇلتتىق قۇرامانى 2009-2018 جىلدار ارالىعىندا باسقاردى.
ۇلتتىق قۇرامانىڭ ەڭ ماڭىزدى تاريحي جەتىستىكتەرى ونىڭ ەسىمىمەن بايلانىستى.
اتاپ ايتقاندا، لوندونداعى وليمپيادا ويىندارىندا سەرىك ساپييەۆ چەمپيون جانە ۆەل باركەر كۋبوگىنىڭ يەگەرى اتاندى.
ريو-دە-جانەيروداعى ويىنداردا دانيار ەلەۋسىنوۆ وسى جەتىستىكتى قايتالادى.
كوماندا مىرزاعالي ايتجانوۆپەن بىرگە الەم چەمپيوناتتارىندا 5 (2013 جىلى – 4، 2017 جىلى – 1) التىن مەدال جەڭىپ الدى.
مىرزاعالي ايتجانوۆ – حالىقارالىق دارەجەدەگى سپورت شەبەرى، قازاقستاننىڭ ەڭبەك سىڭىرگەن جاتتىقتىرۋشىسى.
1988 جىلى كسرو قۇراماسى ساپىندا جاسوسپىرىمدەر اراسىنداعى ەۋروپا چەمپيوناتىندا جەڭىسكە جەتتى.
قايرات ءساتجانوۆ 2011-2019 جىلدار ارالىعىندا قازاقستان جاسوسپىرىمدەر قۇراماسىنىڭ اعا جاتتىقتىرۋشىسى قىزمەتىن اتقاردى.
وسى ۋاقىت ىشىندە ونىڭ بوكسشىلارى ەكى رەت «ازيا بالالارى» حالىقارالىق ويىندارىندا جەڭىسكە جەتتى، ەكى رەت الەم چەمپيوناتتارىندا ۇزدىك ۇشتىككە ەندى.
سونداي-اق ەكى رەت ازيا چەمپيوناتىندا ۇزدىك اتاندى.
ق.ءساتجانوۆ 2019 جىلى قازاقستان جاستار قۇراماسىنىڭ باس باپكەرى بولىپ تاعايىندالدى.
ەكى جىل ىشىندە ونىڭ شاكىرتتەرى ازيا چەمپيوناتىندا ەكى رەت كوماندالىق ەسەپتە جەڭىسكە جەتىپ، الەم چەمپيوناتىندا ەكىنشى ورىنعا يە بولدى.
2021 جىلدىڭ قىركۇيەگىنەن باستاپ قازاقستان رەسپۋبليكاسىنىڭ ەرلەر قۇراماسىن باسقاردى. وسى ۋاقىت ىشىندە قازاقستاندىق بوكسشىلار 2021 جىلى بەلگرادتا وتكەن الەم چەمپيوناتىندا بەس مەدال جەڭىپ الدى.
سونىمەن قاتار 2022 جىلى امماندا وتكەن ازيا چەمپيوناتىندا ۇزدىك ونەر كورسەتىپ، ەكى چەمپيوناتتا دا قازاقستان كوماندالىق مەدالدىق ەسەپتە ەكىنشى ورىنعا يە بولدى.
قازاقستان بوكس فەدەراسياسى قايرات ءساتجانوۆقا اتقارعان جۇمىسى ءۇشىن العىس ايتتى.
سونىمەن قاتار ۇلتتىق قۇراما تىزگىنىن قايتا ۇستاعان مىرزاعالي ايتجانوۆقا الەم چەمپيوناتتارىندا، ازيا جانە وليمپيادا ويىندارىندا بۇدان دا ۇلكەن تابىستارعا جەتۋىنە تىلەكتەستىگىن ءبىلدىردى.