ۇيرەنۋشىلەردىڭ داعدىلاردى يگەرۋىنە قاراي اتىس جاتتىعۋلارىن ورىنداۋ شارتتارى كۇردەلەنە ءتۇستى.
ماماندىق بويىنشا دايىندىق اسكەري قىزمەتشىلەردى وقىتۋدىڭ پراكتيكالىق اتىستارمەن اياقتالاتىن ماڭىزدى كەزەڭدەرىنىڭ ءبىرى سانالادى، دەپ حابارلايدى Almaty-akshamy.kz.
قارۋلى كۇشتەردەگى جوسپارلى ساباقتار بارىسىندا ءارتۇرلى اتىس قارۋلارى مەن جاۋىنگەرلىك ماشينالاردىڭ قارۋ-جاراقتارىنان اپتا سايىن ءبىر جارىم مىڭنان استام اتىس ورىندالدى. ونىڭ 30 پايىزى تۇنگى جاعدايدا جۇزەگە اسقانىن ايتا كەتۋ كەرەك.
اسكەري-اۋە كۇشتەرىندە ساباقتار اۆياسيالىق قۇرالداردى قولدانا وتىرىپ وتسە، اسكەري-تەڭىز كۇشتەرىندە كەمە ەكيپاجدارى كەمەنىڭ جاۋىنگەرلىك اتىستارىن ىسكە اسىردى.
تاجىريبەلىك ساباقتاردىڭ ءبارى اتىس جاتتىعۋلارى تۇرىندە وتكىزىلدى. وندا كومانديرلەرگە ۇرىس كەزىندەگى اتىستى باسقارۋ، ال ساربازدارعا اتىس تەحنيكاسىمەن جانە قارۋ-جاراقپەن ارەكەت ەتۋ ۇيرەتىلدى.
ساباقتار العان بىلىمدەرى مەن داعدىلارىن نىعايتۋعا، اتىس دايىندىعىن وقىتۋداعى كەمشىلىكتەردى انىقتاۋعا مولىنان مۇمكىندىك بەرەدى. ونىڭ ناتيجەلەرىن تالداۋ اسكەري قىزمەتشىلەردىڭ اتىس داعدىلارىن ارتتىرۋ شارالارىن قابىلداۋعا نەگىز بولادى.
ۇيرەنۋشىلەردىڭ داعدىلاردى يگەرۋىنە قاراي اتىس جاتتىعۋلارىن ورىنداۋ شارتتارى كۇردەلەنە ءتۇستى.
ءىس-شارالار قاۋىپسىزدىك ەرەجەلەرىنە سايكەس، قاتاڭ تۇردە ۇيىمداستىرىلدى. وقۋ ورىندارىندا اتىس الدىندا جەتەكشىلەر جەكە قۇرامعا نۇسقاۋلىق-ادىستەمەلىك ساباقتار وتكىزدى. سونداي-اق، اتىسقا دايىندىق جاتتىعۋلارىن ورىنداۋ بارىسىندا قاۋىپسىزدىك شارالارىن ساقتاۋ بويىنشا نۇسقاۋلىق جۇرگىزىلدى.