بۇگىن مەگاپوليستە اۋقىمدى سەنبىلىك ءوتتى. "تازا قازاقستان" ەكولوگيالىق باعدارلاماسىنىڭ كەزەكتى ماۋسىمى اياسىندا اعاش وتىرعىزاتىن اۋماقتار بەلگىلەنىپ، كوشەلەر، قوعامدىق كەڭىستىكتەر، پاركتەر، ساياباقتار، جاعالاۋ ايماقتارى مەن سۋ ايدىندارى تازارتىلدى. ىسكە ۆولونتەرلەر، جاستار، قوعام بەلسەندىلەرى، مادەنيەت جانە سپورت قايراتكەرلەرى تارتىلدى.
نەگىزگى سانيتارلىق جۇمىستار "دوستىق" پاركىندە ءوتتى. بۇل ورىن تۇرعىنداردىڭ وتىنىشىنە بايلانىستى ارنايى تاڭدالعان.
ەكو-بەلسەندى ەۆگەنيي مۇحامەدجانوۆ تا تازالىق شاراسىنا قاتىسىپ، ەكىنشى رەت وڭدەۋگە بولاتىن شيكىزاتتى (قالدىقتاردى) وڭدەۋ جوبالارىن تانىستىردى.
"ءبىز ادامدارعا ەكولوگيا تۋرالى ايتىپ ءجۇرمىز: كۇن سايىن قوقىستى سۇرىپتاۋدى ادەتكە اينالدىرۋ قاجەت. كەشەندى جۇمىس كەرەك، تۇرعىنداردى قىزىق ينتەراكتيۆتەرگە تارتىپ، بارلىق ءىس-شارانى ەكولوگيالاندىرۋ ماڭىزدى"، - دەدى ەۆگەنيي مۇحامەدجانوۆ.
اكسياعا ق ر ەڭبەك سىڭىرگەن مادەنيەت قايراتكەرى، قازاق راديوسىنىڭ ارداگەرى امانجان ەنسەباي ۇلى دا كەلدى. ول الماتىنى اباتتاندىرۋ — ءاربىر قالا تۇرعىنىنىڭ پارىزى ەكەنىن اتاپ ءوتتى.
"تازا قازاقستان" رەسپۋبليكالىق باعدارلاماسى - الماتىنى ودان ءارى جايلى، تارتىمدى ەتۋگە باعىتتالعان ناقتى قادام. بۇل باستاما تابيعاتقا جانە قورشاعان ورتاعا دەگەن قۇرمەتتىڭ كورىنىسى. اتا-بابالارىمىز "ءشوپتى تاپتاما، جۇلما" دەگەن. بۇل مۇرا ەكولوگيالىق مادەنيەتتى قالىپتاستىرۋدا ەرەكشە ءرول اتقارادى. اسىرەسە جاستارعا سۇلۋلىققا، تازالىققا، مادەنيەتكە دۇرىس كوزقاراس دارىتۋ ماڭىزدى. مۇنداي سەنبىلىكتەردى مەن تاربيە مەكتەبى دەپ باعالايمىن"، - دەدى امانجان ەنسەباي ۇلى.
ايتا كەتەيىك، قالالىق سەنبىلىكتىڭ قورىتىندىسى بويىنشا شامامەن 1 مىڭ اعاش جانە 3 مىڭ بۇتا وتىرعىزىلدى. 8 مىڭ توننا قوقىس جينالىپ، شىعارىلدى. بارلىعى 13 مىڭنان استام ادام قاتىسىپ، 350 تەحنيكا بىرلىگى جۇمىلدىرىلدى.