عاجايىپ كورىنىستەر.
تۇنگى الماتىنىڭ اسەم كوز تارتار كورىكتى جەرلەرىن تۇسىرۋگە ماشىقتانىپ كەلەمىز. سونىڭ كەزەكتى سانىن قالامىزدىڭ كوپشىلىك ءمان بەرە قويمايتىن ورىندارىنان باستادىق. قاراپايىم تىلىكتە اسا كوڭىل بولىنە بەرمەيتىن قانداي جەر دەپ ويلايسىز؟ ول، ارينە - جەر استى جولى. ءقازىر قاي ورىنعا بارساڭىز دا، كەرەمەت ەتىپ اسپەتتەلگەن. مەن ءۇشىن ەرەكشە نازار اۋدارتاتىن، الىستان مەن مۇندالاپ تراتىن جەر ول - تۋننەل . مۇندا ەڭ عاجابى مايلى قانىق ءتۇستى بوياۋلارمەن سالىنعان سۋرەتتەر. مەنىڭ وسى جولعى سۋرەتكە تارتىپ، كوزىمە وتتاي باسىلعان جەر - اباي داڭعىلى مەن دوستىق كوشەلەرى قيىلىسىنداعى جاياۋ جۇرگىنشىلەرگە ارنالعان جەراستى جولى. ونىڭ ۇستىنە تۇنگى شامداردىڭ جارىعى، ۇلتتىق ناقىشتان حابار بەرەتىن ويۋ-ورنەك ادامدى تەز باۋرايدى. اسىرەسە، شىعارماشىل جاندارعا قاتتى اسەر ەتەدى دەپ ويلايمىن.
مۇنداعى كوزگە وتتاي باسىلعانى جىلقى بولدى. پىراقتى جاقسى كورمەيتىن قازاق كەمدە-كەم شىعار. ويتكەنى اتا-بابامىز اتتى ەردىڭ قاناتىنا بالاعان. اۋىسپالى تەرەڭ ماندە ايتىلسا، تۇپكى ويى ءپالسافاعا تىرەلەدى. جۇيرىك ات پەن قۇماي تازى جەتى قازىناعا كىرەدى. سوندىقتان بولار دەرەۋ سۋرەتكە تارتتىم. بارلىق كورگەن-بىلگەنىمدى بولىسۋگە تىرىسۋدامىن.
وسىلايشا تۇنگى الماتىنىڭ كورىكتى ايماقتارىنان قىسقاشا فوتورەپورتاج بەرۋدى قۇپ كوردىم.