ءداستۇرلى شارا بيىل بالالار جىلىنا ارنالدى
الماتىداعى ورتالىق مۋزەيدە «مۋزەي ءتۇنى-2022» شاراسى اياسىندا «قايتا جارقىراعان جاۋھارلار – ارالى» اتتى كورمە اشىلدى، دەپ حابارلايدى Almaty-akshamy.kz Baq.kz-كە سىلتەمە جاساپ.
اتالعان كورمەگە «قىرىم ارالى» عىلىمي-قالپىنا كەلتىرۋ زەرتحاناسىنىڭ قازاقستان اۋماعىندا ۇيىمداستىرىلعان قازبا جۇمىستارىنىڭ نەگىزىندە تابىلىپ، قالپىنا كەلتىرىلگەن ەرەكشە ارحەولوگيالىق ارتەفاكتىلەر حالىق نازارىنا العاش رەت ۇسىنىلدى.
«قىرىم-ارالى» عىلىمي زەرتحاناسىنىڭ جەتەكشىسى، قازاقستاننىڭ ەڭبەك سىڭىرگەن قايراتكەرى قىرىم التىنبەكوۆ كونە جادىگەرلەر ءبىزدىڭ مادەنيەتىمىز بەن تاريحىمىزدان سىر شەرتەتىنىن ايتادى.
"اتا-بابامىزدان قالعان مۇرالارعا رەستاۆراسيا جاساپ، بۇگىن حالىق نازارىنا ۇسىنىپ جاتىرمىز. بۇگىنگى كورمەگە قويىلعان جادىگەرلەردى مۋزەيگە كەلۋشىلەر ءبىرىنشى رەت كورىپ وتىر. ويتكەنى ونى مەنەن باسقا ەشكىم كورگەن ەمەس. بۇل جادىگەرلەر زات تۇرىندە ءبىزدىڭ مادەنيەتىمىز بەن تاريحىمىزدان سىر شەرتەدى. بۇگىنگى كورمەگە 200-دەن استام جادىگەرلەر قويىلدى"،- ق.التىنبەكوۆ.
ق ر پرەزيدەنتى قاسىم-جومارت كەمەل ۇلىنىڭ 2022 جىلدى «بالالار جىلى» دەپ جاريالاۋىنا وراي، ق ر مەملەكەتتىك ورتالىق مۋزەيىنىڭ بيىلعى «مۋزەي ءتۇنى-2022» ءداستۇرلى اكسياسى تالانتتى بالالاردىڭ باستامالارى مەن جاڭاشىل يدەيالارىن قولداۋعا باعىتتالعان.
اتالعان اكسيانىڭ نەگىزگى بولىگى «تالانتتى بالالار شەرۋى» رەسپۋبليكالىق بالالار فەستيۆالىنە ارنالادى. فەستيۆالعا رەسپۋبليكامىزدىڭ ءار وڭىرىنەن ونەر، سپورت، مۋزىكا، شىعارماشىلىق جاعىنان حالىقارالىق، رەسپۋبليكالىق كونكۋرستار لاۋرەاتتارى مەن تالانتتى جاسوسپىرىمدەر قاتىستى. رەسپۋبليكالىق فەستيۆال اياسىندا 16 اتالىم بويىنشا جاس تالانتتارعا ماراپاتتى ەلىمىزىگە بەلگىلى عىلىم، مادەنيەت جانە ونەر سالاسىنداعى قايراتكەرلەر تابىستادى.
سونداي-اق مۋزەي ءتۇنىنىڭ باستى وقيعاسى «كوۆوركينگ بالالار ورتالىعىنىڭ» اشىلۋى بولدى. ورتالىقتىڭ جۇمىسى بالالاردى مۋزەي الەمىمەن، ونداعى تاريحي قۇندىلىقتارمەن تانىستىرۋعا، شىعاراماشىلىق باستامالار مەن بالالاردىڭ مۇمكىندىكتەرىن ۇشتاۋدى ۇيىمداستىرۋعا باعىتتالعان. ياعني، بالالاردىڭ بوس ۋاقىتتارىن ءتيىمدى ۇيىمداستىرۋ، مۋلتيپليكاسيالىق فيلمدەر كورۋ، كىتاپ وقۋ، قازاق ۇلتتىق ويىندارى جانە ءداستۇرلى مۋزىكالىق اسپاپتاردا ويناۋدى ۇيرەتۋ باعىتتارىندا جۇمىس ىستەۋ.
سونىمەن بىرگە «جاس ەكسكۋرسوۆود»، «ولكەتانۋشى» جانە «بىرگە سۋرەت سالايىق» بەينەلەۋ ونەرى ۇيىرمەلەرى اشىلدى.
مۋزەي ءتۇنى باعدارلاماسىندا: جاندانعان ەكسپوزيسيالار، مۋزەي قورىنداعى سيرەك كەزدەسەتىن قارۋ-جاراقتار كوللەكسياسى نەگىزىندە «ەر قارۋ بەس قارۋ» كورمەسى (XVIII-XIX عع.)، «ءبىزدىڭ تالانتتىلارىمىز»، «مەنىڭ باقىتتى بالالىق شاعىم» اتتى قالالىق بەينەلەۋ ونەر ستۋديالارىنىڭ بالالار شىعارماشىلىعى كورمەسى، بەلگىلى فوتوگراف م. ءزولوتۋحيننىڭ فوتوكورمەسى اشىلدى.
مۋزەيگە كەلۋشىلەر نازارىنا كونسەرتتىك باعدارلامالار دا ۇسىنىلدى. ج.ەلەبەكوۆ اتىنداعى رەسپۋبليكالىق ەسترادا-سيرك كوللەدجى، «كامەراتا كازاحستان» ءانسامبلى جانە ۆالەنتينا بوروۆيكوۆانىڭ جەتەكشىلىگىمەن سكريپكاشىلار ءانسامبلى، و.تاڭسىقبايەۆ اتىنداعى الماتى ساندىك-قولدانبالى ونەر كوللەدجى مەن ت.ق. جۇرگەنوۆ اتىنداعى قازاق ۇلتتىق ونەر اكادەمياسى ستۋدەنتتەرىنىڭ ساندىك كوللەكسياسىنىڭ كورسەتىلىمى جانە قازاقستان-جاپون ورتالىعىنان وريگامي، كالليگرافيا، «فۋروشيكي» ونەرى بويىنشا شەبەرلىك-ساباقتار ءوتتى. وعان قوسا مەرەكەلىك ءىس-شارا قوناقتارى مەملەكەتتىك وركەسترلەر مەن بالالار ۇجىمدارىنىڭ مۋزىكالىق شىعارماشىلىق كونسەرتەرىن تاماشالادى.
ارنايى بالالار ءۇشىن قازاقستان سۋرەتشىلەرى، ساندىك-قولدانبالى ونەر شەبەرلەرىنىڭ قاتىسۋىمەن شەبەرلىك ساباقتارى ۇيىمداستىرىلدى.