الەمدىك كلاسسيكالىق بەينەلەۋ ونەرىندە لەوناردو دا ۆينچي ءرولى زور. ءداپ وسىنداي جولدى ۇستانعان ونەر مايتالماندارى جەتەرلىك.
الماتىداعى ءا.قاستەيەۆ اتىنداعى ونەر مۇراجايىنا تۇرىك حالقىنىڭ قىلقالام شەبەرلەرى ونۋر مانسىز، حاليل پەتيۋك، ەمين مەتە ەردوعان ءوز تۋىندىلارىن اكەلىپ قويدى. «قازىرگى زاماندى زەرتتەۋ» اتاۋمەن اتالاتىن كورمەدە تاريحتىڭ نەبىر قاتپارلارىنان سىر شەرتەتىن كارتينالار، مەن تابيعاتتىڭ سۇلۋلىعىن بەينەلەيتىن سۋرەتتەر قويىلدى.
سونىمەن قاتار بۇل جولعى كورمەدە گيپپەررەالدى الەم بەينەسى قولدانىلىپ، تابيعات پەن ادام الەمنىڭ قاتىناسى 3D فورماتىندا بەدەرلەندى.
«ءبىزدىڭ بۇل جولعى كورمەدە تۇركيالىق ءۇش سۋرەتشىنىڭ تۋىندىلارى قويىلدى. سونداي-اق مۇندا فوتو-كوللاج، كارتينالار، مۇسىندەر كورە الاسىز. ءبىز مۇراجايمەن كوپتەگەن بەرى قارىم-قاتىناستامىز. 14 ماۋسىم جانە 7 شىلدە ارالىعىندا مادەنيەت پەن رۋحانياتقا سۋسىنداعىسى كەلەتىن قوناقتارعا ەسىك اشىق»، – دەدى كۋراتور وليا ۆەسەلوۆا.
سونىمەن قاتار مۋزەي قۇندىلىعى ونىڭ كورەرمەندەرگە اسەرى، مادەني ءومىردىڭ ماڭىزدىلىعى تۋراسىندا وي-پىكىرلەر ايتىلدى.
«بۇل مۇراجاي ەلىمىزدىڭ ەڭ باعا جەتپەس قۇندىلىقتارىنىڭ ءبىرى سانالادى. ال كورمەلەرگە قويىلعان ءاربىر ونەر تۋىندىسىنىڭ ارتىقشىلىعى ول – زاڭعا زامانمەن ۇندەسۋىندە. باستى ماقسات – ادام مەن تابيعات الەمى ەگىز ۇعىم ەكەندىگىن ۇعىندىرۋ»، – دەدى ۇيىمداستىرۋشى سانجار سەريكبايەۆ.