اق حالاتتى ادامداردىڭ ەڭبەگى ءارقاشان ەرەكشە قۇرمەت پەن قۇرمەتكە يە. ويتكەنى ولاردىڭ يىعىندا ناۋقاستىڭ ءومىرى ءۇشىن ۇلكەن جاۋاپكەرشىلىك بار. دارىگەر ماماندىعى - ەڭ اسىل، ادامگەرشىلىك جانە قاجەتتى ماماندىقتاردىڭ ءبىرى. ولاردىڭ قيىن جۇمىسى، كاسىبيلىگى مەن ءبىلىمى ارقىلى ميلليونداعان ادامداردىڭ ءومىرى مەن تاعدىرى قۇتقارىلادى. مەديسينا قىزمەتكەرلەرى - بۇل مەرەكە نەمەسە دەمالىس كۇندەرىنە قاراماستان 24/7 جۇمىس ىستەيتىن كۇردەلى جانە اسا جاۋاپتى ماماندىقتىڭ جارقىن وكىلدەرى. ولار شۇعىل تۇردە جۇمىسقا شاقىرىلۋى مۇمكىن جانە تاۋلىكتىڭ كەز كەلگەن ۋاقىتىندا توسەكتەن كوتەرىلۋى مۇمكىن، ولار ءۇشىن بەلگىلى جۇمىس ۋاقىتى، ارنايى كەستەسى جوق. ادام جانىنىڭ شيپاگەرلەرى ۇنەمى جۇمىسقا ەرتە كەلىپ، كەش قايتادى. ءتىپتى، جاڭا جىلدى توسەككە تاڭىلعان ناۋقاستىڭ جانىندا قارسى الادى. بەتى اۋلاق توتەنشە جاعدايلار، تابيعي اپاتتار، كەز كەلگەن وقيعالار كەزىندە ولار الدىڭعى ساپتان تابىلىپ، ەمدىك شارالارىن جاسايدى. سوندىقتان دا قوعامدا ولارعا دەگەن قۇرمەت ەرەك. شىنىندا دا، ولاردى ناعىز باتىرلار دەپ مويىنداۋعا لايىق.
سولاردىڭ ءبىرى، ءوز ءىسىنىڭ ۇزدىگى، حيرۋرگ – گينەكولوگ، الماتى قالاسىنىڭ №7 قالالىق كلينيكالىق اۋرۋحاناسىنىڭ گينەكولوگيا بولىمشەسىنىڭ مەڭگەرۋشىسى وسپانعالييەۆا ساۋلەش مۇحتار قىزى. الماتى قالاسىنىڭ №7 قالالىق كلينيكالىق اۋرۋحاناسىندا 20 جىلدان بەرى تابان اۋدارماي جۇمىس ىستەپ كەلە جاتقان ساۋلەش مۇحتار قىزىنىڭ جۇمىس ءوتىلى 35 جىل.
ساۋلەش وسپانعالييەۆا ءاممي-دى 1988 جىلى "ەمدەۋ ءىسى" ماماندىعى بويىنشا بىتىرگەن. ەڭبەك جولىن 1989 جىلى شىعىس قازاقستان وبلىسى تارباعاتاي اۋىلىنىڭ اۋداندىق اۋرۋحاناسىندا باستااعن. وندا 1997 جىلعا دەيىن اكۋشەر-گينەكولوگ بولىپ قىزمەت ەتتى. سودان كەيىن، ياعني 2000 جىلدان باستاپ الماتى قالاسىنىڭ №7 مكب-دا دارىگەر-گينەكولوگ رەتىندە جۇمىس ىستەدى. سودان بەرى تالاي ناۋقاستىڭ اياعىنان تۇرىپ كەتۋىنە ۇلەسىن قوسقان اق حالاتتى ابزال جانعا 2019 جىلى وعان "اكۋشەرلىك جانە گينەكولوگيا" ماماندىعى بويىنشا جوعارى بىلىكتىلىك ساناتى بەرىلدى.
ساۋلەش وسپانگالييەۆا ايەلدەردىڭ رەپرودۋكتيۆتى دەنساۋلىعىنا، گينەكولوگيالىق مانيپۋلياسيالاردىڭ/وپەراسيالاردىڭ بارلىق تۇرلەرىن جاسادى. مىسالى: لاپاروسكوپيالىق/لاپاروتوميالىق ادنەكسالدى وپەراسيالار (كيستالار، انالىق بەزدەردىڭ ءتۇزىلۋى، پاراوۆاريالدى كيستالار، تۇتىك گەنەزىنىڭ بەدەۋلىگى)، كونسەرۆاتيۆتى ميومەكتوميالار، جاتىردىڭ امپۋتاسياسى، ەكستراپسياسى (لاپاروتوميالىق، لاپاروسكوپيالىق، قىناپتىق)، پرولاپس جانە قىناپتىق پلاستيكالىق وپەراسيالار ايەلدەر پرولاپسى گيستەروسكوپيالىق وپەراسيالار، ەندومەتريالىق گيپەرپلازيا، جاتىر جانە جاتىر موينى كانالىنىڭ پوليپتەرى سياقتى وپەراسيالاردى جاساپ، مول تاجىريبيە جاناقتادى.
قوعامدا انا مەن بالا ءومىرىن ساقتاپ قالۋ ءۇشىن بار جاعداي جاسالۋى ءتيىس. سوندىقتان تاۋلىكتىڭ كەز كەلگەن ۋاقىتىندا اۋرۋحانا قابىرعاسىنان تابىلىپ، وتە اۋىر وتا جاساپ، كوپتەگەن انا مەن بالانىڭ ءومىرىن ساقتاپ قالدى. بۇگىنگى تاڭدا جوعارى دەڭگەيدەگى مامان جاس دارىگەرلەر مەن ستۋدەنتتەرگە تالىمگەر بولىپ، باي تاجىريبيەسىمەن بولىسۋدە. سونداي-اق، ساۋلەش مۇحتار قىزى باسقاراتىن بولىمشەدە جۇمىس ىستەيتىن 28 قىزمەتكەرگە باسشىلىق ەتەدى. ونىڭ بەسەۋى بىلىكتى دارىگەر بولسا، 14ء-ى مەدبيكە. ال قالعان 9-ى بولىمشەنىڭ تازالىعىنا جاۋاپ بەرەتىن سانيتار. تاۋلىكتىڭ قاي ۋاقىتىندا بولماسىن بولىمشە ىشىندەگى تازالىق ساقتالىپ تۇرسا، بىلىكتى دارىگەرلەر ناۋقاستاردىڭ جانىنا جەبەۋ بولا ءبىلۋى الدىمەن وسى باسشىلىقتىڭ ەرەن ەڭبەگى ەكەنىن ايتقان ءجون.
وسىنداي ادام جانىنىڭ اراشاسى بولا بىلگەن بىلىكتى مامان ساۋلەش مۇحتار قىزى "دەنساۋلىق ساقتاۋ ءىسىنىڭ ۇزدىگى" توسبەلگىسىمەن، ق ر دسم، قالالىق اكىمدىك، دسۇ جانە №7 مكب باسشىلىعىنىڭ العىس حاتتارىمەن جانە قۇرمەت گراموتالارىمەن ماراپاتتالعان.