ەكولوگيا جاناشىرلارى بالقاش مۇزى ۇستىمەن ءجۇرىپ ءوتتى
بالقاش كولىندە 2023 جىلدىڭ 10-12 اقپانىندا «ۇلى بالقاش شاقىرادى!» اتتى ءىس-شارا ءوتتى. 120-دان استام ادام كولدەگى مۇز ۇستىمەن 8، 16، 24 كم قاشىقتىقتى ءجۇرىپ ءوتتى.
2023 جىلدىڭ 10-12 اقپانىندا «ۇلى بالقاش شاقىرادى!» اتتى بالقاش كولىندەگى ءىىى مۇز ۇستىمەن ءوتۋدىڭ نەگىزگى ۇيىمداستىرۋشىسى الماتى مەنەدجمەنت ۋنيۆەرسيتەتى (اlmaU). بۇل شارانىڭ باسى-قاسىندا الماتى مەنەدجمەنت ۋنيۆەرسيتەتى پرەزيدەنتى اسىلبەك قوجاحمەتوۆ، قوعام قايراتكەرى، ۋنيۆەرسيتەت رەكتورى گۇلنار كۇرەنكەيەۆا، قوعام قايراتكەرى، ساياساتكەر دوس كوشىم، ساياحاتشى، ۆەلوينتۋازيست الەكساندر گابچەنكو، «World Class Almaty» فيتنەس-كلۋبىنىڭ باس ديرەكتورى ۆاليحان تەن، «تۇران ەكسپەرسس» كومپانياسىنىڭ باس ديەكتورى رومان بوتابەكوۆ ت.ب. قاتىستى.
العاش رەت 2019 جىلى 20 اقپاندا بالقاش كولىندەگى مۇز وتكەلىنەن بىرنەشە توپ وتكەن ەدى. بيىل دا وسى ءىس-شارانى ءۇشىنشى رەت جالعاستىرىپ، مۇز وتكەلىنەن ءوتۋ ارقىلى بالقاش كولىنىڭ ەكولوگيالىق پروبلەماسىنا قوعام نازارىن اۋدارۋ ماقساتى كوزدەلگەن. سونىمەن قاتار ىشكى ءتۋريزمدى دامىتۋدى، جاس ۇرپاقتى تابيعاتتى ايالاۋعا، ونىڭ بار بايلىعىن ساقتاۋدى ۇيرەتۋ، تاريحي، مادەني، رۋحاني جانە ەكونوميكالىق ماڭىزى بار قازاقستانداعى ەڭ ۇلكەن ەكوجۇيەcءى بار بالقاش ولكەسىنە قوعامنىڭ نازار اۋدارۋ يگىلىكتى ءىس ەكەنىن شاراعا قاتىسۋشىلار تولىق تۇسىنگەن.
قازاقستانداعى تابيعاتى سۇلۋ ولكەنىڭ بايلىعىن ساقتاپ قالۋ تەك وسى ايماق ەمەس الاكول ويىسىنىڭ قازىرگى جاعدايى الاڭداۋشىلىق تۋعىزىپ وتىرعانى بەلگىلى. جەتىسۋ وزەندەرى قاراتال، اقسۋ، لەپسىدەن قۇيىلعان سۋدىڭ ساپاسى مەن سۋ الابىنىڭ ازايۋى، سۋدىڭ تارتىلۋ سەبەپتەرى عالىمداردى الاڭداتىپ وتىر.
بالقاش سۋىنىڭ قۇرامى، وسىمدىكتەر الەمى مەن جانۋارلار دۇنيەسى تەرەڭ زەرتتەلۋدە. زەرتتەۋشى عالىمدار ەگەر تەز ارادا دۇرىس شارالار قولدانىلماسا ءقاۋىپتىڭ الدىن الۋ جۇمىستارى جۇرگىزىلمەسە باسقا قازاقستان ايماعىنداعى تابيعات سياقتى ەكولوگيالىق اپاتقا ۇشىراعان وزەن-كولدەر تاعدىرىن قايتالايدى دەپ الاڭداۋلى.
«ۇلى بالقاش شاقىرادى!» جوباسىنىڭ اۆتورى اسىلبەك قوجاحمەتوۆ قازاقستاندا باسقا دا ماڭىزى بار شارالاردىڭ ۇيىمداستىرۋشىسى عانا ەمەس تىكەلەي قاتىسۋشىسى جانە جاس ۇرپاقتى تابيعاتتى قورعاۋعا، ەكوجۇيەنىڭ ساقتالۋ زاڭدىلىقتارىن جاس كەزىنەن بويىنا ءسىڭىرۋدى مىقتاپ قولعا الۋ قاجەتتىگىن تەرەڭ تۇسىنگەن تۇلعا.
مۇزى قاتقان بالقاش كولىنىڭ ۇستىمەن ءجۇرىپ ءوتىپ قانا قويماي، ءىس-شارانىڭ يدەولوگى اسىلبەك قوجاحمەتوۆ «Balgash talks: ەكولوگيا فيلوسوفياسى» اتتى اڭگىمەلەسۋ ورتاسىنىڭ مودەراتورى، قوعام قايراتكەرى، ساياساتكەر دوس كوشىم، ساياحاتشى، ۆەلوينتۋازيست الەكساندر گابچەنكو، «World Class Almaty» فيتنەس-كلۋبىنىڭ باس ديرەكتورى ۆاليحان تەن ءارتۇرلى باعىتتاعى ەكولوگيا تاقىرىبىندا شەبەرلىك ساعاتىن وتكىزدى.
مەديا جانە كينو مەكتەبىنەن بىرنەشە وقىتۋشى-پروفەسسورلار ءىس-شاراعا بەلسەنە قاتىسىپ، ءۇشىنشى جورىقتىڭ ەكولوگيا، دەنساۋلىق، سالاۋاتتى ءومىر سالتىن ساقتاۋ ماسەلەلەرىنە بولاشاق جۋرناليست، قوعاممەن بايلانىس، كينوگەرلەردىڭ نازارىن اۋدارۋ ماقساتىن كوزدەپ وتىر. مەديا جانە كينو مەكتەبىندە وتىلەتىن پاندەر مەن ەكولوگيالىق جۋرناليستيكا، دۇنيەجۇزىلىك، سونداي-اق ايماقتىق ماڭىزى بار ەكولوگيالىق ماسەلەلەردى كەڭ كولەمدە كورسەتۋدى كوزدەيتىن جۋرناليستيكا جانرلارى، ونىڭ ءپانى ادام ءومىر ءسۇرىپ جاتقان قورشاعان ورتاعا قاتىستى اعىمداعى وقيعالارعا، ۇردىستەرگە جانە پروبلەمالارعا قاتىستى اقپاراتتى جيناۋ، تالداۋ جانە تاراتۋ بولىپ تابىلاتىنىن، الداعى ۋاقىتتا ەكولوگيا سالاسىندا قىزمەت ەتكىسى كەلەتىن جاس جۋرناليستەرگە ارنالعان ءدارىس وتكىزۋدى جوسپارلاپ وتىر. ەكولوگيا تاقىرىبىندا جازىپ جۇرگەن جۋرناليستەر بارشىلىق جانە جۋرناليستەر مەن ەرىكتىلەر «ۇلى بالقاش شاقىرادى!» ءىس-شاراسى ارقىلى اقپاراتتى جيناۋ داعدىسى مەن جاس ۇرپاقتىڭ تابيعات پەن قورشاعان ورتاعا دەگەن وڭ كوزقاراسىن قالىپتاستىرۋدا مۇمكىندىگى زور.
