پارتيالىق تىزىمگە 19 ادام ەنگەن.
ورتالىق سايلاۋ كوميسسياسى جالپىۇلتتىق-سوسيال دەموكراتيالىق پارتياسىنىڭ ءماجىلىس سايلاۋىنا ۇسىنعان پارتيالىق ءتىزىمىن تىركەدى، دەپ حابارلايدى Almaty-akshamy.kz
وسك مۇشەسى اناستاسيا ششەگورسوۆانىڭ ايتۋىنشا، جسدپ-نىڭ پارتيالىق تىزىمىندەگى 19 ادامنىڭ 6-ۋى – ايەل، قالعانى – جاستار مەن مۇگەدەكتىگى بار جاندار.
"جالپىۇلتتىق سوسيال-دەموكراتيالىق پارتياسىنىڭ پارتيالىق تىزىمىنە ەنگىزىلگەن بارلىق ادام كونستيتۋسيا جانە "سايلاۋ تۋرالى" كونستيتۋسيالىق زاڭنىڭ تالاپتارىنا ساي كەلەدى"، - دەدى ششەگورسوۆا ورتالىق سايلاۋ كوميسسياسىنىڭ وتىرىسىندا.
ول جسدپ الدىڭعى پارلامەنت سايلاۋىنا قاتىسپاعانىن اتاپ ءوتتى. سوندىقتان زاڭناماعا سايكەس، پارتيا ءتىزىمىن تىركەۋ ءۇشىن وسك شوتىنا سايلاۋ جارناسىن ەنگىزۋگە ءتيىس. جارنا سوماسى پارتيالىق تىزىمگە ەنگىزىلگەن ءاربىر ادام ءۇشىن ەڭ تومەنگى جالاقىنىڭ 15 ەسەلەنگەن مولشەرى – 1 050 000 تەڭگەنى قۇرايدى.
"جالپىۇلتتىق سوسيال-دەموكراتيالىق پارتياسى سايلاۋ جارناسىن تولىق كولەمدە تولەدى"، - دەدى وسك مۇشەسى.
وسىلايشا ورتالىق سايلاۋ كوميسسياسى جسدپ-نىڭ ءماجىلىس سايلاۋىنا ۇسىنعان كانديداتتار ءتىزىمىن بەكىتتى.
بۇعان دەيىن قازاقستان حالىق پارتياسىنىڭ پارتيالىق ءتىزىمى بەكىتىلگەن بولاتىن.