الماتىدا رەفەرەندۋمعا تانىمال قازاقستاندىق ءانشى، «مۋزارت» توبىنىڭ ءسوليسى كەنجەبەك ءجانابىلوۆ قاتىستى. ونەر يەسى وتباسىمەن بىرگە «بايتەرەك» حالىقارالىق مەكتەپ-ليسەيىندە ورنالاسقان №512 سايلاۋ ۋچاسكەسىنە كەلدى.
«مۋزارت» توبىنىڭ ءانشىسى رەفەرەندۋمعا قاتىسۋ ەلىنىڭ بولاشاعىنا الاڭدايتىن ءاربىر ازاماتتىڭ بورىشى ەكەنىن اتاپ ءوتتى.
«ءبىز ەلىمىزدىڭ دامۋىنا بىرنەشە جىل بويى اسەر ەتۋى مۇمكىن شەشىمدەرگە نەمقۇرايلى قاراماۋىمىز كەرەك. رەفەرەندۋم – پىكىرىمىزدى ءبىلدىرىپ، ورتاق ىسكە ۇلەس قوسۋعا مۇمكىندىك»، – دەدى كەنجەبەك ءجانابىلوۆ.
ەستەرىڭىزگە سالا كەتەيىك، بۇگىن قازاقستان اۋماعىندا اەس سالۋ ماسەلەسى بويىنشا رەسپۋبليكالىق رەفەرەندۋم وتۋدە. الماتى اكىمى ەربولات دوسايەۆ جۇبايىمەن بىرگە تاڭەرتەڭ №48 مەكتەپ-ليسەيدەگى №388 سايلاۋ ۋچاسكەسىنە كەلىپ، داۋىس بەرۋگە قاتىستى. الماتىلىقتار تۇرعىلىقتى جەرى بويىنشا سايلاۋ ۋچاسكەلەرىنە بارىپ، ساعات 20.00-گە دەيىن ءوز داۋىستارىن بەرە الادى.