تانىمال جاس ءانشى ءارى اندەردىڭ اۆتورى ەرىك تولەنوۆ (Kyle Ruh) قازاقستاندا اتوم ەلەكتر ستانسياسىن سالۋ بويىنشا رەفەرەندۋمدا داۋىس بەردى.
ءانشى الماتى قالاسىنداعى №564 ۋچاسكەسىندە داۋىس بەردى. ول رەفەرەندۋمنىڭ ماڭىزدىلىعىن اتاپ، ءاربىر ازاماتقا پىكىرىن بىلدىرۋگە بىرەگەي مۇمكىندىك بەرىلىپ وتىرعانىن ايتتى.
«مەن ءوز ازاماتتىق بورىشىمدى ورىنداپ، داۋىس بەردىم. دۇرىس شەشىم قابىلدادىم دەپ سانايمىن»، - دەپ جاس ءانشى الماتىدا جاستاردىڭ رەفەرەندۋمعا قاتىسىپ جاتقانىن جەتكىزدى.
ەسكە سالا كەتەيىك، بۇگىن ەل بويىنشا اەس قۇرىلىسى ماسەلەسى بويىنشا رەسپۋبليكالىق رەفەرەندۋم ءوتىپ جاتىر. الماتىلىقتار تۇرعىلىقتى جەرى بويىنشا سايلاۋ ۋچاسكەسىنە بارىپ، ساعات 20.00-گە دەيىن داۋىس بەرە الادى.