كينودراماتۋرگ، جازۋشىلار وداعىنىڭ مۇشەسى، قازاقستاننىڭ ەڭبەك سىڭىرگەن قايراتكەرى جانە حالىق جازۋشىسى قازاقستاندا اتوم ەلەكتر ستانسياسىن (اەس) سالۋ ماسەلەسى بويىنشا رەفەرەندۋمعا قاتىستى.
حالىق جازۋشىسى الماتىنىڭ بوستاندىق اۋدانىنداعى جالپى ءبىلىم بەرەتىن №125 مەكتەپتە ورنالاسقان №301 سايلاۋ ۋچاسكەسىنە كەلدى.
«بۇگىندە ەلىمىز ءۇشىن ماڭىزدى ماسەلەلەردىڭ ءبىرى شەشىلۋدە. قازاقستاننىڭ ءاربىر ازاماتىنا قاتىسۋ ماڭىزدى. ماسەلەنىڭ بارلىق اسپەكتىلەرىن ەسكەرە وتىرىپ، ءوز تاڭداۋىڭىزدى جاساۋ قاجەت. ەلدىڭ جاھاندىق وزگەرىستەر كونتەكستىندەگى قاجەتتىلىكتەرىنە سۇيەنە وتىرىپ، مەن ءوز تاڭداۋىمدى جاسادىم. بۇگىن قابىلدانعان ءاربىر شەشىم ءبىزدىڭ بولاشاعىمىزدى جاقسارتۋعا باعىتتالعان دەپ سانايمىن»، - دەپ اتاپ ءوتتى زايدا ەلعوندينوۆا.
ەستەرىڭىزگە سالا كەتەيىك، بۇگىن قازاقستان اۋماعىندا اەس سالۋ ماسەلەسى بويىنشا رەسپۋبليكالىق رەفەرەندۋم وتۋدە. الماتى اكىمى ەربولات دوسايەۆ جۇبايىمەن بىرگە تاڭەرتەڭ №48 مەكتەپ-ليسەيدەگى №388 سايلاۋ ۋچاسكەسىنە كەلىپ، داۋىس بەرۋگە قاتىستى. الماتىلىقتار تۇرعىلىقتى جەرى بويىنشا سايلاۋ ۋچاسكەلەرىنە بارىپ، ساعات 20.00-گە دەيىن ءوز داۋىستارىن بەرە الادى.