ءماجىلىس پەن ءماسليحاتتارعا سايلاۋ، سايىپ كەلگەندە، قۇزىرەتتى، ءموبيلدى پارلامەنت قۇرۋعا ارنالعان.
مۇنداي پىكىردى قازاقستان رەسپۋبليكاسى ۇلتتىق عىلىم اكادەمياسىنىڭ باسشىسى، حيميا عىلىمدارىنىڭ دوكتورى، پروفەسسور، اكادەميك مۇرات جۇرىنوۆ ايتتى، دەپ حابارلايدى Almaty-akshamy.kz.
"ەلىمىزدە ەكى باعىتتا ءجۇرۋ كەرەك دەپ سانايمىن – ءبىر جاعىنان تاۋەلسىزدىگىمىزدى ساقتاپ، نىعايتۋ، ەكىنشى جاعىنان ءتيىمدى زاڭنامالىق جۇيەنى قالىپتاستىرۋ. سوندىقتان ءتيىمدى زاڭدار قابىلدايتىن كاسىبي زاڭ شىعارۋشىلار قاجەت. پارلامەنت يممۋنيتەتتى الۋعا ۇمتىلۋ ءۇشىن قىزمەت ەتپەۋى كەرەك. ءدال وسى قۇزىرەتتى ادامدار زاماناۋي زاڭنامالىق تەتىكتەردى قۇرا الادى"، - دەدى اكادەميك.
عالىم قازاقستاندىقتاردى بەلسەندى ازاماتتىق ۇستانىم تانىتۋعا، اتاپ ايتقاندا بارلىق دەڭگەيدەگى سايلاۋعا مىندەتتى تۇردە قاتىسۋعا شاقىردى.