بۇگىن ەلىمىزدە ق ر پارلامەنتى ءماجىلىسى مەن بارلىق دەڭگەيدەگى ءماسليحات دەپۋتاتتارىنىڭ سايلاۋى وتۋدە.
ايرىقشا ماڭىزعا يە ساياسي ناۋقانعا «قازپوشتا» اق «الماتى پوچتامتى» الماتى فيليالىنىڭ قىزمەتكەرلەرى دە ءوز ۋچاسكەلەرىنە بارىپ داۋىس بەرىپ جاتىر. سولاردىڭ قاتارىندا پوشتا قىزمەتكەرى باۋىرجان سەرباي ۇلى دا بار، دەپ حابارلايدى Almaty-akshamy.kz.
اۋەزوۆ اۋدانىنا قاراستى قابدولوۆ، 12 مەكەنجايىندا ورنالاسقان №167 سايلاۋ ۋچاسكەسىندە ءوز تاڭداۋىن جاساعان ول بۇگىنگى كۇندى ەلىمىز ءۇشىن ماڭىزدى ساياسي وقيعا دەپ ەسەپتەيدى.
«بۇگىن ەلىمىز ءۇشىن ماڭىزدى كۇن. مەنىڭ ويىمشا، ءاربىر ازاماتتىڭ سايلاۋعا قاتىسۋى ەلدىڭ دامۋىنا، كەلەشەگىمىزدىڭ كەمەل بولۋىنا ىقپال ەتەدى. مەن دە ەگەمەن ەلىمىزدىڭ بولاشاعى ءۇشىن ءوز تاڭداۋىمدى جاساپ، داۋىس بەردىم»، — دەيدى پوشتا قىزمەتكەرى.