تاعى ءبىر ايعا ۇزارتىلدى.
ەلىمىزدىڭ بۇرىنعى قورعانىس ءمينيسترى مۇرات بەكتانوۆتى تۇتقىندا ۇستاۋ مەرزىمى ۇزارتىلدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«قازاقستاننىڭ بۇرىنعى قورعانىس ءمينيسترى مۇرات بەكتانوۆ 20 ماۋسىمعا دەيىن تۇتقىندا بولادى. قاماۋدا ۇستاۋ مەرزىمى الماتى قالاسىنىڭ اۋدانارالىق تەرگەۋ سوتىنىڭ شەشىمىمەن تاعى ءبىر ايعا ۇزارتىلدى. تۇتقىندا ۇستاۋ مەرزىمىن ۇزارتۋ تۋرالى شەشىم 13 مامىردا قابىلدانعان بولاتىن»، - دەدى الماتى قالالىق سوتى باسپا ءسوز حاتشىسىنىڭ مىندەتىن اتقارۋشى نۇرسۇلتان ورىنباساروۆ.
ەستەرىڭىزگە سالا كەتسەك، 9 قاڭتار كۇنى مۇرات بەكتانوۆ ق ر قورعانىس ءمينيسترى لاۋازىمىنان بوساتىلعان ەدى. مەملەكەت باسشىسى قاسىم-جومارت توقايەۆ ءمينيستردىڭ كومانديرلىك قابىلەت كورسەتە الماعانىن سىنعا العان-دى.
2022 جىلعى 19 اقپاندا ق ر باس پروكۋراتۋراسى بۇرىنعى قورعانىس ءمينيسترى مۇرات كارىباي ۇلى بەكتانوۆقا قاتىستى قازاقستان رەسپۋبليكاسى قىلمىستىق كودەكسىنىڭ 452-بابى ارەكەتسىزدىك فاكتىسى بويىنشا سوتقا دەيىنگى تەرگەپ-تەكسەرۋدى باستاعان بولاتىن.
وسى باپقا سايكەس، اسكەري جاعدايدا بيلىكتى اسىرا پايدالانعانى ءۇشىن مۇلكى تاركىلەنىپ، بەلگىلى ءبىر لاۋازىمداردى اتقارۋ نەمەسە بەلگىلى ءبىر قىزمەتپەن اينالىسۋ قۇقىعىنان ءومىر بويىنا ايىرىلىپ، 7 جىلدان 15 جىلعا دەيىن باس بوستاندىعىنان ايىرۋعا جازالانادى.