40 ملرد تەڭگەگە ازايدى.
ۇلتتىق بانك ۇسىنعان مالىمەت بويىنشا، قازاقستاندىقتاردىڭ زەينەتاقى جيناقتارى، 2022 جىلعى 1 مامىرداعى جاعداي بويىنشا، ءساۋىر ايىندا 0،3%-عا، ياعني 40 ملرد تەڭگەگە ازايىپ، 12 939،5 ملرد تەڭگەنى قۇرادى، دەپ حابارلايدى Almaty-akshamy.kz Egemen.kz سىلتەمە جاساپ.
«2022 جىلعى ساۋىردە زەينەتاقى اكتيۆتەرىن ينۆەستيسيالاۋدان تۇسكەن تازا تابىس 170،1 ملرد تەڭگەگە، 2022 جىلعى 1 مامىرداعى جاعداي بويىنشا، 7 033،2 ملرد تەڭگەگە دەيىن ازايدى»، - دەلىنگەن ق ر ۇلتتىق بانكىنىڭ حابارلاماسىندا.
مىندەتتى زەينەتاقى جارنالارى بويىنشا سالىمشىلاردىڭ جەكە زەينەتاقى شوتتارىنىڭ سانى (زەينەتاقى جيناقتارى جوق جزش-نى ەسكەرە وتىرىپ)، 2022 جىلعى 1 مامىرداعى جاعداي بويىنشا، 10،9 ملن شوتتى قۇرادى.
2022 جىلدىڭ ءساۋىر ايىندا زەينەتاقى تولەمدەرىنىڭ سوماسى 34،6 ملرد تەڭگەگە جەتكەن.
2022 جىلعى 1 مامىرداعى جاعداي بويىنشا، بجزق جيىنتىق ينۆەستيسيالىق پورتفەلىنىڭ نەگىزگى ۇلەسىن ق ر مەملەكەتتىك باعالى قاعازدارى مەن ق ر ەميتەنتتەرىنىڭ مەملەكەتتىك ەمەس باعالى قاعازدارى (زەينەتاقى اكتيۆتەرىنىڭ جالپى كولەمىنىڭ تيىسىنشە 41،2% جانە 22،5%) الادى.