مۇقتاج ازاماتتاردىڭ جەكەلەگەن ساناتتارىنا 20 اەك مولشەرىندە ءبىرجولعى الەۋمەتتىك كومەك كورسەتىلەدى، دەپ حابارلايدى Almaty-akshamy.kz.
الماتى قالاسىنىڭ جۇمىسپەن قامتۋ جانە الەۋمەتتىك باعدارلامالار باسقارماسى "الەۋمەتتىك كومەك كورسەتۋدىڭ، ونىڭ مولشەرلەرىن بەلگىلەۋدىڭ جانە مۇقتاج ازاماتتاردىڭ جەكەلەگەن ساناتتارىنىڭ تىزبەسىن ايقىنداۋدىڭ ۇلگىلىك قاعيدالارىن بەكىتۋ تۋرالى" ق ر ۇكىمەتىنىڭ 2013.05.21 جىلعى №504 قاۋلىسىنا جانە "الەۋمەتتىك كومەك كورسەتۋ، ونىڭ مولشەرلەرىن بەلگىلەۋ جانە ايقىنداۋ قاعيدالارىن بەكىتۋ تۋرالى" الماتى قالاسى ءماسليحاتىنىڭ 2015.07.23 جىلعى №347 شەشىمىنە سايكەس الماتى قالاسىندا مۇقتاج ازاماتتاردىڭ بەلگىلى ءبىر كريتەرييلەرگە سايكەس كەلەتىن ساناتتارىنا جارتى جىلدا ءبىر رەت 7 اەك مولشەرىندە الەۋمەتتىك كومەك جانە 20 اەك مولشەرىندە ءبىرجولعى الەۋمەتتىك كومەك كورسەتىلەدى.
جوعارىدا كورسەتىلگەن كومەك تۇرلەرىن ۇسىنۋ ءۇشىن ازاماتتار مىناداي كريتەرييلەرگە سايكەس كەلۋى ءتيىس:
1) جارتى جىلدا ءبىر رەت 7 اەك مولشەرىندە الەۋمەتتىك كومەك: وتباسىنىڭ جان باسىنا شاققانداعى ورتاشا تابىسى ەڭ تومەنگى كۇنكورىس دەڭگەيىنىڭ 3 ەسەلەنگەن مولشەرىنەن اسپايدى
• سوزىلمالى بۇيرەك جەتكىلىكسىزدىگىنەن زارداپ شەگەتىن ءبىرىنشى توپتاعى مۇگەدەكتەرگە؛
• زەينەتكەرلىك جاسقا جەتكەن زەينەتكەرلەرگە.
2) ءبىرجولعى 20 اەك مولشەرىندە الەۋمەتتىك كومەك: وتباسىنىڭ جان باسىنا شاققانداعى ورتاشا تابىسى ەڭ تومەنگى كۇنكورىس دەڭگەيىنىڭ 2 ەسەلەنگەن مولشەرىنەن اسپايتىن ومىرلىك قيىن جاعداي تۋىنداعان كەزدە.
كورسەتىلگەن كومەك تۇرلەرىن تاعايىنداۋعا ارنالعان قۇجاتتاردى قاراۋ كەزىندە ۋچاسكەلىك كوميسسيا ءوتىنىش بەرۋشىنىڭ ماتەريالدىق جاعدايىنىڭ ناتيجەلەرىن (ەكىنشى تۇرعىن ءۇي، ەكىنشى جەكە كولىك جانە ت.ب. بار ما) نازارعا الادى.