قازاقستان گەندەرلىك ساياساتتا ورتالىق ازيادا كوشباسشى – ايدا بالايەۆا

ءبىرقاتار پروگرەسسيۆتى ءىس-شارالار قابىلدادى.

 قازاقستان گەندەرلىك تەڭسىزدىككە قارسى ءىس-قيمىل ماسەلەسىندە ورتالىق ازيادا كوشباسشى سانالادى. بۇل تۋرالى ەلوردادا وتكەن ءى ورتالىق ازيا مەديافورۋمىندا ق ر پرەزيدەنتى اكىمشىلىگى باسشىسىنىڭ ورىنباسارى ايدا بالايەۆا ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.

«قازاقستان تاۋەلسىزدىك جىلدارىندا گەندەرلىك تەڭسىزدىككە قارسى ءىس-قيمىل سالاسىندا ءبىرقاتار پروگرەسسيۆتى ءىس-شارالار قابىلدادى. بۇل مەملەكەت پەن ازاماتتىق قوعامنىڭ بىرلەسكەن كۇش-جىگەرىنىڭ ارقاسىندا عانا مۇمكىن بولدى»، - دەدى ايدا بالايەۆا.

سپيكەر جۇرگىزىلىپ جاتقان گەندەرلىك ساياسات ەلدىڭ حالىقارالىق رەيتينگتەر مەن يندەكستەردەگى جاعدايىن جاقسارتاتىنىن باسا ايتتى.

«2021 جىلدىڭ قورىتىندىسىندا گەندەرلىك تەڭدىك يندەكسى بويىنشا قازاقستان كورسەتكىشتەرىن جاقسارتتى جانە رەيتينگتە 146-ورىننىڭ ىشىندە 65-ورىنعا كوتەرىلدى. بۇل ورتالىق ازيا وڭىرىندەگى كوشباسشىلىق پوزيسيا جانە ءبىز كورسەتكىشتەردىڭ تۇراقتى جاقسارۋىن جالعاستىرۋ ءۇشىن جۇمىس ىستەپ جاتىرمىز»، - دەدى ول.

سونداي-اق ق ر پرەزيدەنتى اكىمشىلىگى باسشىسىنىڭ ورىنباسارى قازاقستاننىڭ ايەلدەرى نەگىزگى پوزيسيالارعا يە ەكەنىن ايتتى.

«2030 جىلعا دەيىنگى وتباسىلىق جانە گەندەرلىك ساياساتتىڭ قولدانىستاعى تۇجىرىمداماسى وسى كورسەتكىشتەردى جاقسارتۋعا مۇمكىندىك بەرەدى. تاياۋداعى سەگىز جىل ىشىندە قازاقستاننىڭ گەندەرلىك الشاقتىقتى ايتارلىقتاي قىسقارتۋ جوسپارى بار»، - دەپ اتاپ ءوتتى ايدا بالايەۆا.