الىشەر تەمەنوۆ اقىننىڭ ۇلىنا كولىگىنىڭ كىلتىن بەردى، دەپ حابارلايدى aqshamnews.kz Orda.kz سايتىنا سىلتەمە جاساپ.
الماتىدا ناۋرىزباي اۋداندىق سوتىندا اقىن مۇقاعالي ماقاتايەۆقا ءتىل تيگىزگەن بلوگەر الىشەر تەمەنوۆكە قاتىستى ءىس توقتاتىلدى.
تەمەنوۆكە قىلمىستىق كودەكستىڭ 131-بابى 2-بولىگى (قورلاۋ) بويىنشا ايىپ تاعىلعان بولاتىن. بۇل ءىستى سۋديا بەينەكۇل قايسينا قارادى.
16 ماۋسىمدا وتكەن سوت وتىرىسىندا جابىرلەنۋشى جۇلدىز ماقاتايەۆ ايىپتالۋشىنى كەشىرىپ، ءىستى توقتاتۋدى سۇرادى. ول بلوگەردەن مورالدىق شىعىن رەتىندە ون ميلليون تەڭگە تالاپ ەتكەن.
سوتتا تەمەنوۆ «ەكى جاق كەلىسىمگە كەلگەنىن» ايتتى.
"كىنامدى تولىق مويىندايمىن جانە كەشىرىم سۇرايمىن. ەكى جاق كەلىسىمگە كەلدىك، سول سەبەپتى ءىستى قىسقارتۋدى سۇرايمىن. ءقازىر كولىگىمدە ەكى ميلليون تەڭگە بار. قالعان ءبىر ميلليوندى ون كۇننەن كەيىن اكەلىپ بەرەمىن. وعان دەيىن كولىگىمنىڭ كىلتىن قالدىرىپ كەتەمىن. قالعان اقشانى بەرگەن سوڭ كولىگىمدى قايتا الامىن"، – دەدى ول.
سۋديا شەشىم شىعارۋ ءۇشىن زالدان شىعىپ كەتكەن ساتتە بلوگەر ەكى ميلليون تەڭگەنى قولما-قول بەرىپ، كولىگىنىڭ كىلتىن دە جابىرلەنۋشىگە تاپسىرعان.
سوت تاراپتاردىڭ تاتۋلاسۋىنا بايلانىستى ءىستى توقتاتىپ، تەمەنوۆتى قىلمىستىق جاۋاپكەرشىلىكتەن بوساتتى. ازاماتتىق تالاپ تا توقتاتىلدى. ءبىراق، سوت ونىڭ «ەشقايدا كەتپەۋ جانە ءتيىستى مىنەز-قۇلىق» تۋرالى قولحات تۇرىندەگى بۇلتارتپاۋ شاراسىن كۇشىندە قالدىردى.
سونىمەن قاتار، بلوگەر تەمەنوۆ ءوزىنىڭ الەۋمەتتىڭ جەلىدە اقىندى بالاعاتتاعانى ءۇشىن كۇللى حالىقتان كەشىرىم سۇراپ بەينەجازبا جاريالاۋعا ۋادە ەتتى.