«مۇقاعالي» ءفيلمى شىۇ ەلدەرى كينوفەستيۆالىنىڭ كونكۋرستىق باعدارلاماسىنا ەندى

«مۇقاعالي» كوركەم ءفيلمى بۇعان دەيىن قازان كينوفەستيۆالىندە قازىلار القاسىنىڭ ارنايى سىيلىعىنا يە بولدى.

«مۇقاعالي» كوركەم ءفيلمى شانحاي ىنتىماقتاستىق ۇيىمىنا (شىۇ) مۇشە ەلدەرى كينوفەستيۆالىنىڭ كونكۋرستىق باعدارلاماسىنا ىرىكتەلىپ الىندى، دەپ حابارلايدى Almaty-akshamy.kz قازاقپاراتقا سىلتەمە جاساپ.

ش.ايمانوۆ اتىنداعى «قازاقفيلم» كينوستۋدياسىنىڭ مالىمەتىنشە، رەجيسسەر بولات قالىمبەتوۆتىڭ «مۇقاعالي» ءفيلمى 27-31 قاڭتار ارالىعىندا مۋمباي قالاسىندا وتەتىن شانحاي ىنتىماقتاستىق ۇيىمىنا (شىۇ) مۇشە ەلدەر كينوفەستيۆالىنىڭ «ۇزدىك رەجيسسەر» نوميناسياسى بويىنشا كونكۋرستىق باعدارلاماعا ەنگىزىلدى.

«كينوفەستيۆال ىرىكتەۋىنە قويۋشى-رەجيسسەر ب.قالىمبەتوۆتىڭ «مۇقاعالي»، قويۋشى-رەجيسسەر ا. ساتايەۆتىڭ «ۇلى دالا تاڭى»، قويۋشى-رەجيسسەر ا. ەرجانوۆتىڭ «ادەموكانى وقىتۋ»، رەجيسسەر ا. انارتايەۆتىڭ «ىستىقكول» فيلمدەرى جىبەرىلگەن بولاتىن»، - دەپ حابارلادى كينوستۋديادان.

ەسكە سالايىق، «مۇقاعالي» كوركەم ءفيلمى بۇعان دەيىن قازان كينوفەستيۆالىندە قازىلار القاسىنىڭ ارنايى سىيلىعىنا يە بولدى.

دۋبايداعى مeta Film Fest كينوفەستيۆالىندە باس جۇلدەگە يە بولدى.

سونداي-اق شوتلانديادا وتكەن حالىقارالىق سەنت-ەندريۋس كينوفەستيۆالىندە بەس جۇلدەنى جەڭىپ العان بولاتىن.