اۋەجايدا ۇشۋ-قونۋ جولاعىندا دا قار تازالاۋ جۇمىسى ۇزدىكسىز جۇرگىزىلىپ جاتىر
قولايسىز كۇن رايى كەشەلى بەرى جولاۋشىلارعا دا كەسىرىن تيگىزىپ جاتىر، دەپ حابارلايدى Almaty.tv.
استانادا بيلەت الىپ، ساپارعا شىعۋدى جوسپارلاعان مىڭداعان حالىقتىڭ رەيسى كەيىنگە شەگەرىلدى. بۇگىننىڭ وزىندە 13 باعىت ۋاقىتشا توقتاتىلعان.
«اۋەجايدا، ونىڭ ىشىندە ۇشۋ-قونۋ جولاعىندا دا قار تازالاۋ جۇمىستارى ۇزدىكسىز جۇرگىزىلۋدە. جولاۋشىلاردان وزەكتى اقپاراتتى call ورتالىقتاردان ءبىلۋدى سۇرايمىز. 0:36 باستالادى»، – دەدى استانا حالىقارالىق اۋەجايىنىڭ باسپا ءسوز حاتشىسى انۆار شالەكەنوۆ.
ەندى اۋەكومپانيالارى كەستەسى كەشىكتىرىلگەن نەمەسە اۋىسقان رەيستەردى جولاۋشىلارعا حابارلاۋعا مىندەتتى. ولار ازاماتتاردىڭ ءموبيلدى ءنومىرى مەن ەلەكتروندى پوشتاسىنا جوسپارلانعان ساپار تۋرالى اقپاراتتى ۋاقىتىلى بەرۋى شارت. ال ۇشۋ ۋاقىتى كەشىكتىرىلگەن جاعدايدا جولاۋشىنى مەجەلى جەرگە جەتكىزبەگەنى ءۇشىن ءار ساعاتىنا تاريف قۇنىنىڭ 3% مولشەرىندە تاسىمالداۋشى كومپانيا ايىپپۇل تولەۋى مۇمكىن. بۇل تۋرالى يندۋستريا جانە ينفراقۇرىلىمدىق دامۋ مينيسترلىگى حابارلادى. ۆەدومستۆو اقپارىنشا، ازاماتتىق اۆياسيا سالاسىنداعى زاڭناماعا وزگەرىستەر ەنگىزىلەدى. وعان سايكەس، قارجىلىق قيىندىقتارعا تاپ بولعان اۋەجايلارعا قولداۋ كورسەتىلمەك.