فرانسيا ينۆەستورلارىنا قازاقستاننىڭ جاڭا ەكونوميكالىق ساياساتى تانىستىرىلدى
بۇگىندە ەلىمىزدە اتالعان مەملەكەت كاپيتالىنىڭ قاتىسۋىمەن 170-تەن اسا كاسىپورىن جۇمىس ىستەيدى. ولار ءبىزدىڭ ەكونوميكاعا 18 ملرد دوللار ينۆەستيسيا سالعان. كەزدەسۋدە شەتەلدىك ينۆەستورلاردىڭ كاپيتالى مەملەكەت قورعاۋىندا ەكەنى ايتىلدى، دەپ حابارلايدى Almaty-akshamy.kz
جۇزدەسۋدە فرانسۋز كومپانيالارىنىڭ باسشىلارى قازاقستاندا جۇزەگە اسىرۋعا نيەتتى جوبالارى تۋرالى ءسوز قوزعادى. ينۆەستورلار جاسىل سۋتەگىن ءوندىرۋ مۇمكىندىگىن قاراستىرىپ، كاسىپورىنداردىڭ ەكولوگيالىق ستاندارتتارىن كوتەرۋ باعىتىندا جۇمىس جۇرگىزۋدى كوزدەيدى.
«قازاقستان تاراپى ءبىزدى ءوز ساياساتىمەن تانىستىرىپ، داۋ تۋعىزعان ماسەلەلەر بويىنشا ۋايىمىمىزدى سەيىلتتى. سوندىقتان نەگىزگى تاقىرىپتان بولەك، الداعى جوبالاردى تالقىلاۋعا كوشتىك. جوسپارلانعان جوبالار جونىندە سۇراعىمىز بار ەدى. ولار جۇزەگە اساتىن بولدى. فرانسيا ينۆەستورلارى قازاقستانمەن ارىپتەستىكتى جالعاستىرۋعا ىنتالى»، - دەيدى قازاقستان-فرانسيا ىسكەر كەڭەسىنىڭ تەڭ ءتوراعاسى يۆ-لۋي دارريكارەر.