مۇمكىندىگى شەكتەۋلى جاندار دا – قوعامنىڭ ءبىر مۇشەسى. ولاردىڭ ىشىندە قابىلەتى بارى ءبىلىم الىپ، جۇمىسقا تۇرىپ، قوعاممەن بىتە قايناسىپ كەتە الادى. بۇل توپتاعى جاندار ءۇشىن مەملەكەت تاراپىنان كەدەرگىسىز ورتا قالىپتاستىرىلىپ، جاعدايلار جاسالعان. الماتىدا مۇگەدەكتىگى بار ادامداردى الەۋمەتتىك قولداۋعا بولىنەتىن قارجى كولەمى جىل وتكەن سايىن ارتىپ كەلەدى.
بۇگىندە الماتىدا 59 مىڭنان استام مۇگەدەك ادام تۇرادى. سونىڭ ىشىندە 9700-دەن استامى بالا. سىرقات بالا باعۋ وڭاي ەمە س. سوندىقتان اتا-انالارعا قاي كەزدە دە قولداۋ قاجەت. بۇل تۇرعىدا مەملەكەت تاراپىنان كورسەتىلىپ جاتقان كومەك تە از ەمەس.
ماسەلەن، الماتىدا مۇگەدەكتىگى بار ادامدارعا، مۇگەدەك بالالارعا ستاسيونار، جارتىلاي ستاسيونار، ۇيدە قىزمەت كورسەتۋ جانە ۋاقىتشا بولۋعا ارنالعان ارناۋلى الەۋمەتتىك قىزمەتتەردىڭ كەپىلدىك بەرىلگەن كولەمىن كورسەتەتىن 10 مەديسينالىق-الەۋمەتتىك مەكەمە جۇمىس ىستەيتىنىن ايتا كەتەيىك. سونىڭ ىشىندە، ماسەلەن، «سەنىم» الەۋمەتتىك قىزمەت كورسەتۋ ورتالىعىندا 3 ج استان 18 جاسقا دەيىنگى پسيحونيەۆرولوگيالىق پاتولوگياسى بار 133 مۇگەدەك بالا قىزمەت الۋدا. سونداي-اق، 30 بالاعا ارنالعان پاللياتيۆتىك ءبولىم بار. «سەنىم» ارنايى جابدىقتارمەن، الەۋمەتتىك- تۇرمىستىق باعدارلاۋ كابينەتىمەن، وقۋ سىنىبىمەن، سەنسورلىق كابينەتپەن، فيزيو-كابينەتپەن، دەفەكتولوگ، ل وگوپەد، ەدش كابينەتتەرىمەن جابدىقتالعان.
ال «شاپاعات» الەۋمەتتىك قىزمەتتەر ورتالىعىنىڭ جارتىلاي ستاسيونار رەجيمىندە بىلتىر 1،5 جاست ان 18 جاسقا دەيىنگى 107 بالاعا پسيحونيەۆرولوگيالىق پاتولوگياسى جانە تىرەك-قيمىل اپپاراتى بۇزىلعان قىزمەتتەر كورسەتىلدى. اتا-انالار بالالارىن ورتالىقتا 8 ساعاتقا قالدىرادى. ءسويتىپ، وزدەرى الاڭداماي جۇمىسىنا بارىپ كەلەدى. بۇل ورتالىقتىڭ الاتاۋ، بوستاندىق، ناۋرىزباي جانە تۇركسىب اۋداندارىندا كۇن سايىن 185 مۇگەدەك بالا باراتىن 5 بولىمشەسى بار.
اتا-انا، البەتتە، بالا ءۇشىن دەپ ءومىر سۇرەدى. اۋرۋ بالامەن ءتورت قابىرعادا وتىرىپ قالماسىن دەپ، ولار دا ءبىر مەزگىل بالالارىمەن بىرگە سەرگىسىن دەپ، جىلدا ءتۇرلى كونسەرتتەر، قالاداعى تانىمال تۋريستىك ورىندارعا تەگىن ەكسكۋرسيا ۇيىمداستىرىلادى.
سيرككە، «الماتى ارەنادا» وتەتىن قايىرىمدىلىق كەشتەرىنە بارادى. جوباعا قاتىسۋشىلار بىلتىر بوتانيكالىق باققا، «Oi-Qaragai» تاۋلى كۋرورتىنا جانە قازاقست ان رەسپۋبليكاسىنىڭ تۇڭعىش پرەزيدەنتى اتىنداعى ساياباققا باردى. ولارمەن بىرگە كوپبالالى وتباسىنان شىققان جەتكىنشەكتەر دە قىدىرادى. دەمەك، بارلىق بالا تەڭ. ولار بىرگ ە قۋانا بىلەدى، جاقسىلىق ا تاۋلىنى بىرگە بولىسەدى.