اپەللياسيا سوت تاجيكبايەۆتى 8 جىل باس بوستاندىعىنان ايىردى
الماتى قالاسىنىڭ اپەللياسيالىق سوت القاسى تاجيكبايەۆقا قاتىستى ۇكىمدى قايتا قاراپ، ونى 8 جىلعا باس بوستاندىعىنان ايىرۋعا شەشىم قابىلدادى. تاجيكبايەۆ العاشقى كەزدەسۋ كەزىندە ايناگۇل كەڭشەبايەۆانى ولتىرگەنى ءۇشىن سوتتالدى، دەپ حابارلايدى aqshamnews.kz.
بۇل قايعىلى وقيعا 2023 جىلدىڭ قازان ايىندا ورىن العان. كەڭشەبايەۆا جاڭا تانىسىمەن كافەدە كەزدەسكەن. وتىرىس بارىسىندا ولاردىڭ اراسىندا جانجال تۋىنداپ، ەكەۋى سىرتقا شىققان. تاجيكبايەۆ قىزدى بار كۇشىمەن يتەرىپ جىبەرگەن. قىز ارىققا قۇلاپ، باسىن ۇرعان. الىنعان جاراقاتتاردان قىز سول جەردە جان ءتاسىلىم ەتكەن.
ءبىرىنشى ينستانسيا سوتى ەر ادامدى «ابايسىزدا كىسى ءولتىردى» دەپ تانىپ، 2،5 جىلعا باس بوستاندىعىنان ايىرعان بولاتىن.
كەڭشەبايەۆانىڭ تۋىستارى بۇل جازاعا كەلىسپەدى. ءبىر جىلدان كەيىن، 2024 جىلعى 23 تامىزدا الماتى قالاسىنىڭ اپەللياسيالىق سوت القاسى تاجيكبايەۆقا تاعىلعان ۇكىمدى بۇزىپ، وعان 8 جىل باس بوستاندىعىنان ايىرۋ جازاسىن تاعايىندادى.
سوت ونىڭ ارەكەتىن «ابايسىزدا جابىرلەنۋشىنىڭ ولىمىنە اكەپ سوققان دەنساۋلىققا قاساقانا اۋىر زيان كەلتىرۋ» بابى بويىنشا قاراعان.