ولار ساۋدا-ەكونوميكالىق جانە ينۆەستيسيالىق ىنتىماقتاستىقتى كەڭەيتۋ جونىندە پىكىر الماستى.
قازاقستان پرەمەر-مينيسترىنىڭ ورىنباسارى – سىرتقى ىستەر ءمينيسترى مۇحتار تىلەۋبەردى يزرايل مەملەكەتىنىڭ سىرتقى ىستەر ءمينيسترى ياير لاپيدپەن تەلەفون ارقىلى سويلەستى، دەپ حابارلايدى Almaty-akshamy.kz.
«كەلىسسوزدەر بارىسىندا تاراپتار ەكىجاقتى قارىم-قاتىناستاردى ودان ءارى دامىتۋدىڭ جاي-كۇيى مەن پەرسپەكتيۆالارىن تالقىلادى. اتاپ ايتقاندا، ولار ساۋدا-ەكونوميكالىق جانە ينۆەستيسيالىق ىنتىماقتاستىقتى كەڭەيتۋ جونىندە پىكىر الماستى»،– دەلىنگەن ءسىم باسپا ءسوز قىزمەتىنىڭ حابارلاماسىندا.
مينيسترلەر الداعى جىلى ديپلوماتيالىق قاتىناستاردىڭ 30 جىلدىعىنا ارنالعان ءىس-شارالاردى بىرلەسىپ ۇيلەستىرۋگە كەلىستى.
وڭىرلىك جانە حالىقارالىق كۇن تارتىبىندەگى ماسەلەلەر تالقىلاندى.