كوروناۆيرۋس دەرتىنە شالدىققاندار سانى ازاماي تۇر.
الەم بويىنشا كۆي-عا قارسى ەكپە الۋشىلار سانى كوبەيىپ جاتىر، الەم ەلدەرى سونىمەن قاتار، شەكتەۋ شارالارى قولعا الىپ جاتىر، دەپ حابارلايدى Almaty-akshamy.kz COVID-19 تارالۋىنا جول بەرمەۋ جونىندەگى ۆاك-عا سىلتەمە جاساپ.
يران
يران يسلام رەسپۋبليكاسىندا پاندەميا باستالعاننان بەرى كوروناۆيرۋس ينفەكسياسىن 5 ميلليونعا جۋىق ازامات جۇقتىردى. وتكەن تاۋلىكتە اۋرۋدىڭ 31 319 جاڭا جاعدايى انىقتالدى، 643 يراندىق اۋرۋدان قايتىس بولدى. يراننىڭ دەنساۋلىق ساقتاۋ جانە مەديسينالىق ءبىلىم مينيسترلىگى كوز جۇمعانداردىڭ جالپى سانى 107 794 ادامدى قۇرادى دەپ حابارلايدى. بۇگىنگى تاڭدا 18 789 616 ازامات COVID-19 ۆاكسيناسىنىڭ العاشقى دوزاسىن الدى، 8 711 970 ادام ۆاكسيناسيا كۋرسىن اياقتادى. جالپى، ەلدەگى حالىق سانى 83 ميلليوننان استام ادامدى قۇرايدى.
كوسوۆو
كوسوۆو ازاماتتارى كوروناۆيرۋسقا قارسى قايىرىمدىلىق كومەك اياسىندا بەرىلەتىن پرەپاراتتارمەن ۆاكسينالانادى. وسى اپتانىڭ سوڭىنا دەيىن بالقان تۇبەگىندەگى رەسپۋبليكا گەرمانيادان 150 مىڭ AstraZeneca ۆاكسيناسىنىڭ كەلۋىن كۇتۋدە. 30 تامىزدا Pfizer كومپانياسى شىعارعان پرەپاراتتىڭ 53 مىڭ دوزاسى كوسوۆوعا جەتكىزىلدى. دەنساۋلىق ساقتاۋ ءمينيسترى اربەن ءۆيتييدىڭ ايتۋىنشا، ءۇش اي ىشىندە Pfizer ۆاكسيناسىنىڭ 622 مىڭ دوزاسى كەلۋى كەرەك. كوروناۆيرۋس سالدارىنان ءولىم-جىتىمىنىڭ ارتۋىنا بايلانىستى كوسوۆو ازاماتتارىن ۆاكسينالاۋعا شاقىرادى. وبلىستا كومەندانتتىق ساعات جانە قاتاڭ بەتپەردەلىك رەجيم ەنگىزىلدى.
اقش
اقش كوروناۆيرۋسقا بايلانىستى كەيبىر ەلدەرگە ساپار شەگۋ بويىنشا ۇسىنىستاردى كۇشەيتتى. اتاپ ايتقاندا، ءازىربايجان، شۆەيساريا جانە ەستونياعا ساپارلار ءۇشىن قاۋىپتىلىك ەڭ جوعارى دەڭگەيگە كوتەرىلدى. وسى ەلدەر ءۇشىن ەنگىزىلگەن شەكتەۋلەردىڭ ءتورتىنشى دەڭگەيى ساپارلاردان تولىق باس تارتۋدى قاراستىرادى.
جۇڭگو
جۇڭگو جارتىلاي فابريكاتتار ارقىلى ۋحانعا كوروناۆيرۋستىڭ تاسىمالدانۋىنا مۇمكىندىك بەرۋدە. جۇڭگو ماماندارى پەكين مەن داليانداعى COVID-19 ناۋقاستارى تۋرالى اقپاراتتى جارتىلاي فابريكاتتار پاكەتتەرىنە جينالعان ۇلگىلەرمەن سالىستىردى. الىنعان ناتيجەلەر ۆيرۋستىڭ باسقا ەلدىڭ نەمەسە قحر-نىڭ باسقا ايماعىنىڭ ونىمدەرىمەن بىرگە اكەلىنگەنىن كورسەتەدى.
ۆەتنام
ۆەتنام بيلىگى پاندەمياعا بايلانىستى بارلىق ىشكى رەيستەرگە اۋە بيلەتتەرىن ساتۋدى توقتاتتى. اۆياكومپانيالار بيلەتتەردى 21 شىلدەدەن باستاپ ساتىپ العان كليەنتتەرگە قايتارۋى كەرەك. وتكەن جىلدىڭ ناۋرىز ايىندا ۆەتنام شەكارالاردى جاۋىپ تاستادى، سودان بەرى قاتاڭ كارانتيندىك تالاپتارى بار كەلۋشىلەردىڭ بەلگىلى ءبىر ساناتتارىنا عانا كىرۋگە رۇقسات ەتىلدى.