اقىن جاستارمەن ديالوگ جۇرگىزدى.
الماتىدا مۇحتار شاحانوۆتىڭ وقىرماندارمەن شىعارماشىلىق كەزدەسۋى ءوتتى، دەپ حابارلايدى Almaty-akshamy.kz
اقىن تۋىندىلارىنىڭ ىشىنەن «ولەڭ قۇراۋ – اقىندىقتىڭ كوپ قىرىنىڭ ءبىر ءتۇرى» ولەڭىن وقىپ بەرىپ، بىرنەشە اندەرىنەن وقىرماندارمەن قوسىلا ۇزىندىلەر ورىندادى.
ءىس-شارا بارىسىندا اقىن، ساياسي قايراتكەر «جەلتوقسان ەپوپەياسى» كىتابى اياسىندا جاستارمەن ديالوگ جۇرگىزدى. جاس وقىرماندار مۇحتار شاحانوۆتىڭ ءومىرى مەن شىعارماشىلىعى جايىندا وزدەرىن تولعاندىرىپ جۇرگەن سۇراقتارىنا جاۋاپ الدى.
«مەن تەك قانا شىندىق ءۇشىن كۇرەسىپ كەلە جاتقان اداممىن. ءومىر دەگەن كۇرەس، شىندىق ءۇشىن كۇرەسە الماعان ادامدى مەن ادام دەپ ەسەپتەمەيمىن. وسى «جەلتوقسان ەپوپەياسىندا» جەلتوقساننىڭ شىندىق جىرى شىرقالعان.وسىندا وتىرعان بۇلدىرشىندەرگە، جاستارعا، ۇستازدارعا قۇرمەتىمدى، العىسىمدى بىلدىرەمىن، نيەتتەرىڭىزگە ريزامىن، شىندىق ءۇشىن كۇرەسۋدى توقتاتپاڭدار»، – دەدى مۇرات شاحانوۆ.
ءىس-شارا سوڭىندا كەزدەسۋگە كەلگەن ستۋدەنتتەرگە اۆتوردىڭ كىتاپتارى سىيعا تارتىلدى.