بيىلعى جىلى كىم تابىستى فۋتبولشى اتاندى؟

Forbes جۋرنالى 2023 جىلى ەڭ كوپ تابىسقا كەنەلگەن فۋتبولشىلار ءتىزىمىن جاريالادى.

ءتىزىم باسىنا پورتۋگالدىق فۋتبولشى كريشتيانۋ رونالدۋ ورنالاسقان، دەپ حابارلايدى اlmaty-akshamy.kz. 

باسىلىم اقپاراتى بويىنشا ساۋد ارابياسىنىڭ "ءال-ناسر" كومانداسىندا ويناپ جۇرگەن فۋتبولشى بيىل 260 ميلليون دوللارعا بايىعان. ايلىعى مەن قوسىمشا بەرىلگەن سىياقىسى 200 ميلليوندى قۇراسا، قالعان 60 ميلليونىن دەمەۋشىلەرى تولەگەن. ەكىنشى ورىندا – ليونەل مەسسي. ارگەنتينالىق فۋتبولشىنىڭ بيىلعى تابىسى 135 ميلليون دوللار شاماسىندا. ۇشتىكتى برازيليالىق فۋتبولشى نەيمار تۇيىندەپ تۇر. ول 2023 جىلى 112 ميلليون دوللار تاپقان. ءپاريجدىڭ پسج كلۋبىنان ساۋد ارابياسى كومانداسىنا اۋىسقان ويىنشى جاقىندا اۋىر جاراقات الىپ، بيىلعى ماۋسىمدى ەرتە اياقتادى. 

بيىل ەڭ كوپ تابىسقا كەنەلگەن فۋتبولشىلار رەيتينگى:

1. كريشتيانۋ رونالدۋ ("ءال-ناسر")  - 260 ميلليون دوللار؛
2. ليونەل مەسسي ("ينتەر مايامي) - 135 ملن؛
3. نەيمار ("ال-حيليال")- 112 ملن؛
4. كيليان مباپپە (پسج) - 110 ملن؛
5. كاريم بەنزەما ("ال-يتتيحاد") - 106 ملن؛
6. ەرلينگ حولاند ("مانچەستەر سيتي") - 58 ملن؛
7. مۇحاممەد سالاح ("ليۆەرپۋل") - 53 ملن؛
8. ساديو مانە ("ءال-ناسر") - 52 ملن؛
9. كيەۆين دە بريۋينە ("مانچەستەر سيتي") - 39 ملن؛
10. حارري كەين ("باۆاريا") - 36 ملن؛
11. روبەرت ليەۆاندوۆسكي ("بارسەلونا") - 34 ملن.