2025 جىلدىڭ 3 اقپانىندا الماتى قالاسىنداعى «دوستىق ۇيىندە» كورنەكتى جازۋشى، قازاقستاننىڭ حالىق جازۋشىسى، مەملەكەتتىك سىيلىقتىڭ يەگەرى مۇحتار ءماعاۋيننىڭ 85 جىلدىق مەرەيتويىنا ارنالعان «مۇحتار ماعاۋين – ۇلى جازۋشى، عۇلاما تاريحشى» اتتى رەسپۋبليكالىق عىلىمي-تاجىريبەلىك كونفەرەنسيا ءوتتى، دەپ حابارلايدى aqshamnews.kz
كونفەرەنسيانى قازاقستان جازۋشىلار وداعىنىڭ ءتوراعاسى مەرەكە قۇلكەنوۆ اشىپ، مۇحتار ءماعاۋيننىڭ قازاق ادەبيەتى مەن رۋحانياتىنا قوسقان ۇلەسى تۋرالى ايتتى.
ءىس-شارادا بەلگىلى قالامگەرلەر مەن عالىمدار جازۋشىنىڭ شىعارماشىلىعىنا تالداۋ جاساپ، ونىڭ قازاق تاريحىن كوركەمدىك شەبەرلىكپەن بەينەلەۋدەگى ءرولىن اتاپ ءوتتى.
سونىمەن قاتار، اقىندار ۇلىقبەك ەسداۋلەت، اقۇشتاپ باقتىگەرەيەۆا، جازۋشى زەينەپ احمەتوۆا، قوعام قايراتكەرى اسىلى وسمان جانە باسقا دا تۇلعالار جۇرەكجاردى لەبىزدەرىن ءبىلدىردى.
كونفەرەنسيادا اقىندار قورعانبەك امانجول مەن باقىتبەك ءبامىش ۇلى ارناۋ ولەڭدەرىن وقىپ، ءانشى نۇرگۇل ءالقوجا «ەسكى جۇرت» تولعاۋىن ورىندادى. كۇيشى ءشامىل ابىلتايەۆ «اقساق قۇلان» جانە «قۋباس» كۇيلەرىن تارتۋ ەتتى.
شارادا مۇحتار ماعاۋين اتىنداعى شىعارماشىلىق ورتالىق اشۋ، ەسكەرتكىش ورناتۋ جانە ونىڭ ادەبي مۇراسىن جاڭعىرتۋ ۇسىنىلدى. سونىمەن قاتار جازۋشىنىڭ ءومىرى مەن شىعارماشىلىعىنا ارنالعان بەينەماتەريالدار كورسەتىلدى.
كونفەرەنسيا ءماعاۋيننىڭ ۇلتتىق رۋحانياتتاعى ورنىن ايقىنداپ، ونىڭ شىعارماشىلىعىنىڭ بولاشاق ۇرپاق ءۇشىن قۇندى مۇرا بولىپ قالاتىنىن دالەلدەدى.