الماتى قالاسىنىڭ اۋەجايىندا قازاقستانعا ءوز ەركىمەن ورالعان مۇحتار ءابليازوۆتىڭ سىبايلاسى ءارى اعاسى نۇرعازين قۋانىش ۇستالدى.
مۇحتار ءابليازوۆتىڭ سىبايلاسى قازاقستانعا ورالدى، - دەپ حابارلايدى Almaty-akshamy.kz باس پروكۋراتۋراعا سىلتەمە جاساپ.
ول ءابليازوۆ باسقاراتىن «BSC» جشس-نىڭ نومينالدى ديرەكتورى. ءابليازوۆ جانە ونىڭ سىبايلاستارى وسى كومپانيانى زاڭسىز نەسيەلەندىرۋ ارقىلى بتا بانكتەن اسا ءىرى كولەمدە قاراجات جىمقىرعان. نۇرعازين سوتتالۋشى بولا تۇرا، ەشقايدا كەتپەۋ تۋرالى مىندەتتەمەسىن بۇزا وتىرىپ، قىلمىستىق جاۋاپكەرشىلىكتەن جالتارۋ ماقساتىندا سوتتان جاسىرىنعان.
12 جىل بويى ليتۆا اۋماعىندا جاسىرىنىپ، سول جەردە بوسقىن مارتەبەسىن العان. نۇرعازين قازاقستانعا ءوز ەركىمەن ورالۋعا نيەت ءبىلدىردى. 2023 جىلعى 24 شىلدەدە پاسپورتتىق باقىلاۋدان وتكەننەن كەيىن ول ۇستالىپ، ۋاقىتشا ۇستاۋ يزولياتورىنا قامالدى.
سوتتالۋشىنىڭ ءوتىنىشى بويىنشا ءنۇرعازيننىڭ جاسى مەن دەنساۋلىق جاعدايىن ەسكەرە وتىرىپ، 2023 جىلعى 25 شىلدەدە سوت وعان بۇلتارتپاۋ شاراسىن ءۇيقاماققا الۋ دەپ وزگەرتتى. جاقىن ارادا باستى سوت تالقىلاۋى قايتا باستالادى. ونىڭ جاۋاپكەرشىلىگىنىڭ كولەمىن سوت ايقىندايتىن بولادى.