الماتى قالالىق ورتالىق كلينيكالىق اۋرۋحاناسىندا ەم العان 3 ناۋقاستان ايتۆ انىقتالۋىنا قاتىستى وقيعانى تەكسەرۋ اياقتالدى. بۇل تۋرالى قازاقپارات ءتىلشىسىنىڭ ساۋالىنا بەرىلگەن دەنساۋلىق ساقتاۋ مينيسترلىگىنىڭ جاۋابىندا جازىلعان، دەپ حابارلايدى Almaty-akshamy.kz.
«كوميسسيا ايتۆ (ادامنىڭ يممۋن تاپشىلىعى ۆيرۋسى) ينفەكسياسىنىڭ انىقتالعان جاعدايلارى بويىنشا ەپيدەميولوگيالىق تەكسەرۋدى اياقتادى. قازىرگى ۋاقىتتا تەكسەرىس ماتەريالدارى ساراپتالىپ، باعالانۋ ساتىسىندا. ەپيدەميولوگيالىق تەكسەرۋ ناتيجەلەرى رەسمي بريفينگىدە جاريالانادى»، - دەپ جاۋاپ بەردى مينيسترلىكتەن ءتىلشى ساۋالىنا وراي.