مەدەۋ اۋدانىندا ىشىمدىك ءىشىپ العان ەر ادام گازبەن ۋلانىپ، وز-وزىنە قول سالماق بولدى، دەپ حابارلايدى اlmaty-akshamy.kz
الماتى قالالىق پوليسيا دەپارتامەنتىنىڭ مالىمەتىنشە، توتەنشە جاعداي مەدەۋ اۋدانىندا بولدى. پوليسيانىڭ كەزەكشى پۋلتىنە ءۋاليحانوۆ كوشەسىندە ورنالاسقان ۇيلەردىڭ ءبىرىنىڭ كىرەبەرىسىندە ءتۇتىن شىققانى تۋرالى اقپارات كەلىپ تۇسكەن.
«ەڭ الدىمەن، پاترۋلدىك پوليسيا جاساعى مەن كەلگەن ۋچاسكەلىك ينسپەكتور ءۇي تۇرعىندارىن شۇعىل ەۆاكۋاسيالاۋعا كىرىستى. پاتەرلەردىڭ ءبىرىنىڭ بالكونىندا قولىندا پىشاق ۇستاعان ەر ادام "ءوز-وزىمدى ولتىرەمىن" دەپ ايعايلاعان. ابىروي بولعاندا، پاترۋل مەن ۋچاسكەلىك پوليسيا قىزمەتكەرى ەر ادامدى قۇتقارىپ قالدى. ءوزىن ولتىرۋگە جول بەرمەدى. كەيىن بەلگىلى بولعانىنداي، ىشىمدىك ءىشىپ العان الماتىلىق ءوزىن ۋلاپ ءولتىرۋ ءۇشىن گازدى اشىپ تاستاعان. ۋاقىتىلى بەرىلگەن دابىل مەن قابىلدانعان شارالاردىڭ ارقاسىندا قايعىلى جاعدايعا جول بەرىلگەن جوق»، – دەدى مەدەۋ اۋداندىق پوليسيا باسقارماسىنىڭ باستىعى داۋرەن وتەبايەۆ.
قازىرگى ۋاقىتتا تەرگەۋ ءجۇرىپ جاتىر.
«بەلگىلى بولعانداي، ەر ادام بۇل پاتەردى ءبىر تاۋلىككە جالعا العان. ويلاستىرىلعان جوسپاردى ىسكە اسىرۋ ءۇشىن ادەيى العان بولۋى مۇمكىن»، - دەيدى پوليسيا وكىلى.