اۋادان اقشا جاساعان الماتىلىق ۇستالدى

الماتى تۇرعىنى جوق پاتەرلەردى جالعا بەرگەن، دەپ حابارلايدى almaty-akshamy.kz

بىرنەشە جەرگىلىكتى تۇرعىنداردىڭ پوليسياعا حابارلاسۋىنان كەيىن الاياقتىق بەلگىلى بولدى. سونداي-اق ءبارىنىڭ ايتاتىنى بىردەي بولدى.

– قالادا پاتەر جالداۋعا تىرىسقان ازاماتتار تانىمال ينتەرنەت-قىزمەتتەن جارناما ىزدەدى. پاتەر يەسىمەن تەلەفونمەن حابارلاسقان. باعالار نارىقتاعىدان الدەقايدا تومەن بولدى. وزدەرىنە ۇناعان پاتەردى برونداۋ ءۇشىن ولار 100 پايىزدىق تولەم جاسادى. اقشانى العاننان كەيىن “ريەلتور” بىردەن بايلانىسىن توقتاتتى. ءبىز كۇدىكتى الماتى قالاسىنىڭ 22 جاستاعى تۇرعىنىن انىقتاپ، ۇستادىق. الاياقتىق فاكتىسى بويىنشا ق ر قك-نىڭ 190-بابى 3-بولىگىنىڭ 4-تارماعى بويىنشا قىلمىستىق ءىس تەرگەلۋدە. بۇل كەزەڭدە ونىڭ وسىعان ۇقساس 8 ەپيزودقا قاتىسى بار ەكەندىگى انىقتالدى. انىقتالعانداي، ءار كليەنتتەن كۇدىكتى 130 مىڭ تەڭگە، قوسىمشا 50 مىڭ تەڭگەنى قۇرايتىن الدىن الا تولەمدى الدى، – دەدى الماتى قالالىق پد كريمينالدىق پوليسيا باسقارماسىنىڭ باستىعى قۋاتبەك ناۋاتوۆ.

ۇستالعان ادامعا قاتىستى الدىن الا تەرگەۋ كەزەڭىندە قاماۋ تۇرىندەگى بۇلتارتپاۋ شاراسى تاڭدالدى.