مۇحاممەد ءالي – الەمگە ايگىلى بوكسشى ءارى بىرەگەي تۇلعا!
دۇينەدە ەرەكشە دارىنىمەن تانىلعاندار از ەمەس. بالكىم ب ا ق تا، باپ تا قاتار شاپقان بولار. سونداي جاننىڭ ءبىرى - مۇحاممەد ءالي. كۇللى ادامزات ونەرىنە ءتانتى بولعان جان تۋرالى بەس قىزىقتى دەرەكتى نازارلارىڭىزعا ۇسىنامىز.
- ايگىلى بوكسشىنىڭ شىن اتى – كاسسيۋس مارسەليۋس كلەي. ول قاراپايىم تاپ وكىلىنەن شىققان. امەريكا قۇراما شتاتىنىڭ كەنتۋككي ولكەسىندە كەدەي وتباسىندا دۇنيە ەسىگىن اشقان.
- ونىڭ بوكس زالىنا كەلۋى دە قىزىق. كىشكەنە كۇنىندە ءوزىنىڭ ۆەلوسيپەدىن قورعاماق بولعان. سول سەبەپتى ءوزىنىڭ سۇيىكتى ەكى اياقتى ارباسىن ەشكىمگە بەرمەۋ ءۇشىن جاتتىعۋعا بارا باستاعان.
- جاھان بويىنشا 5 دۇركىن جىل بوكسشىسى اتاعىن يەلەندى. وسىلايشا 21 جىل بويى شارشى الاڭدا ۇزدىكسىز ونەر كورسەتتى. ءتىپتى ۆەتنام سوعىسىنا قاتىسۋعا كەلىسىم بەرمەگەنى ءۇشىن شارشى الاڭنان شەتتەتىلدى. دەگەنمەن اراعا 3 جىل سالىپ، بارلىق اتاعىن قايتارىپ الدى.
- بارشا دۇنيەجۇزى مويىنداپ، سپورت يكونىنا اينالدى. ءسويتىپ، سپورت تاريحىنداعى ەڭ تانىمال تۇلعا جانە ەڭ ۇلى بوكسشى اينالدى. سونداي-اق، جارقىن قىزىل ءتىلدى شەشەن ەدى. ونىڭ كوپتەگەن سيتاتالارى تاريحتا قالعان.
- مۇحاممەد ءالي – ونىڭ لاقاپ اتى. كوپشىلىك بۇل ەسىمدى يسلام ءدىنىن قابىلداۋىمەن بايلانىستىرادى. ءوزى دە كوپتەگەن سۇقباتتارىندا ونىسىن دايەكتەيدى. ماسەلەن، اقش-تىڭ ورتالىق تەلەارنالارىنا بەرگەن جاۋابىندا «ءوزىنىڭ ءبىر عانا وققاعارى بار ەكەندىگىن جانە ول جالعىز جاراتۋشى ەكەندىگىن» ايتقان.
بىزدەر ۇلى تۇلعانىڭ بىرنەشە قىرىن عانا ايتتىق. ال كوپكە بەيمالىم ەرەكشە قاسيەتتەرى تۋرالى ايتىلماعان سىرلار كوپ. ونى سۋ تۇبىندە جاتقان مارجانعا تەڭەيمىز.