قالادا بالالارعا قولداۋ شارالارى كورسەتىلۋدە
200-دەن استام الماتالىق وقۋشى ارنايى «ەلباسى مەدالىنە» يە بولدى، دەپ حابارلايدى Almaty-alshamy.kz قازاقپارات cايتىنا سىلتەمە جاساپ.
الماتى قالاسىندا جىل سايىن ءارتۇرلى فەستيۆالدەر مەن جارىستارعا قاتىساتىن دارىندى وقۋشىلاردى انىقتاۋ جانە دامىتۋ بويىنشا كەشەندى جۇمىس جۇرگىزىلۋدە.
وسى ورايدا قازاقستان رەسپۋبليكاسىنىڭ تۇڭعىش پرەزيدەنتى - ەلباسى نۇرسۇلتان نازاربايەۆ ۇسىنعان جاس تالانتتار مەن كوشباسشىلاردى قولداۋ جانە دامىتۋ جونىندەگى «El Úmiti» باستاماسىن ىسكە اسىرۋعا ەرەكشە نازار اۋدارىلادى.
الماتى قالاسى ءبىلىم باسقارماسىنىڭ مالىمەتىنشە، وتكەن وقۋ جىلىندا وسى باستاما اياسىندا الماتىدا 200-دەن استام وقۋشى ارنايى «ەلباسى مەدالىنە» يە بولدى.
وسى رەتتە «El Úmiti» باستاماسىن جۇزەگە اسىرۋعا قولداۋ كورسەتكەنى ءۇشىن «ەلباسى اكادەمياسى» كورپوراتيۆتى قورى باسشىسىنىڭ ورىنباسارى ءانۋار جانعوزين الماتى قالاسى ءبىلىم باسقارماسىنىڭ باسشىسى ءلاززات جىلقىبايەۆاعا نۇرسۇلتان نازاربايەۆ قورىنىڭ العىس حاتىن تابىستادى.